Af væntanlegum tannsmiðum og unganum smáa

Þá veit maður það...

2009-05-21T08:45:00.002Z

Ég veit ekki hvað syni mínum finnst um mig þessa dagana. Jú, reyndar veit ég það alveg en er að hugsa um að deila því með ykkur.

Í gær vorum við á leiðinni uppí Forum. Einhverra hluta vegna finnst honum ég ekki geta borið neitt danskt nafn fram rétt. Þó ég hermi mjög nákvæmlega eftir hans framburði, þá virðist ég aldrei ná að gera það nógu vel. Í gær var ég semsagt að reyna að læra að segja Forum. Eftir að hafa apað upp eftir honum 3x, þá gafst hann alveg upp og hreytti í mig: "MAÐUR Á EKKI AÐ SETJA HAUSINN FRAM". Ég hló svo mikið að kona á förnum vegi sneri sér við og horfði forviða á okkur.
Sjáið bara hvað ég er að vanda mig mikið, líkaminn gengur í bylgjum af áreynslu.

Núna áðan gat ég ekki snúið mér í hálfhring og ýtt sófanum saman með einni hendi. Þá fékk ég að heyra það að ég allt væri erfitt fyrir mig á meðan ég væri svona ólétt. Svo sagði hann að það væri allt erfitt fyrir mig núna - nema eitt... og það væri að borða. Svo væri ég mjög löt en það væri bara afþví að ég er ólétt.

Það er aldeilis skilningur á þessu heimili. Krummi er samt voðalega góður við mig. Þegar við þurfum að stoppa á miðju rölti þá fæ ég yfirleitt klapp á magann eða bakið og einstaklega mikla umhyggju.

Auðvitað er Brynjar líka súper góður við mig, en þessi póstur er ekki um hann...

Myndir frá apríl

2009-05-20T08:15:00.008Z

Eins og kannski flestir vita, þá vorum við á Íslandi um páskana. Við komumst að þeirri niðurstöðu að 10 dagar heima er bara alltof lítill tími. Reyndar vorum við út um allt land og eyddum því dýrmætum tíma í ferðalög.
Svona finnst ungviðinu nú gaman að ferðast í bíl. Þarf að segja meir...
Hér er ég á Hvammstanga að sortera gömul barnaföt. Gjörsamlega búin að RÚSTA stofunni hjá mömmu. Hafið engar áhyggjur, allt var fínt að lokum.Hrafn búinn að finna allt páska góssið. Ég nýtti mér það að hann er orðinn læs og bjó til flókinn getrauna-ratleik. Það var nú ekkert lítið spennandi. Hann var rosalega glaður að fá legó í staðin fyrir eitt eggið í viðbót. Ég mæli með því við allar ömmur og afa að gefa páska gjafir í staðin fyrir súkkulaði. Þ.e.a.s. ef þau vilja endilega gefa eitthvað. Persónulega finnst mér 1 egg vera nóg, en það er líka nauðsynlegt að fá egg.
Ég man að þegar ég var lítil, fengum við Bjöggi skæri frá Helgu ömmu og vorum súper glöð. Öðrum börnum fannst það reyndar hálf fáránlegt en þetta er eitthvað sem aldrei gleymist.
Hann er á mjög skemmtilegum málshátta aldri. Honum finnst mjög merkilegt að lesa málshættina en skilur auðvitað ekkert í þeim. Ekki skemmir fyrir þegar útskýringarnar fást.

Þegar við vorum á Leifsstöð að bíða eftir danmerkur fluginu, þá gerði Krummi sér lítið fyrir um og vann enn eitt páskaeggið í leik sem var þar í gangi. Það má kannski nefna það að það er enn uppá hillu en verður bráðum hámað í sig.

Þrumur og meððí..

2009-05-20T07:08:00.002Z

Við höfum aldrei lent í öðrum eins þrumum og eldingum og í nótt. Við Brynjar vöknuðum bæði við ljós og læti um kl. 3.30 í nótt. Þrumurnar voru þvílíkar að hér nötraði glerið í gluggunum. Reyndar er ekkert tvöfalt verksmiðjugler hér á okkar heimili, meira svona eitthvað samansett rusl sem er óþétt í þokkabót. Barnið svaf sínu værasta og við urðum bara að segja honum hvað gékk á þégar hann vaknaði í morgun. Auðvitað hefur hann orðið vitni af enn meiri hamagangi í lofti, að eigin sögn. Enda er ómögulegt að hafa upplifað minni og ómerkilegri hluti en aðrir. Við Brynjar vorum andvaka og átum kex og piparfroska okkur til dundurs. Sjálf er ég svo lífsreynd að ég hef lært að telja út hvað eldingarnar eru langt í burtu og fann það út á mjög svo vísindalegan hátt að þær væru ca. 2km frá okkur. Það er líka sú minnsta fjarlægð sem ég hef upplifað. Ég verð að játa að mér var ekki alveg sama því lætin voru svo rosaleg. Ég fór að rífa allskyns rafmagnstæki úr sambandi til öryggis. Hvað á ég, sveita stelpan sjálf að vita um skaðsemi eldinga?

Er einhver hundur í þér?

2009-05-19T06:22:00.003Z

Síðasti laugardagur byrjaði með leiðindum. Hrafn var bitinn af hundspotti heimsku. Hann var að ganga á eftir þeim (voru 2 í bandi) á gangstéttinni og var greinilega of nálægt. Allavega stökk annar hundurinn á hann og rak 1 tönn í hann. Ég sá þetta ekki og vissi ekki að hundurinn hafi bitið fyrr en eigandinn var farinn inní garðinn sinn. Brynjar bankaði uppá hjá gaurnum og sagði hvað hafi gerst og Krummi fékk sýkladrepandi smyrsl, plástur og súkkulaði. Svo á einhvern undraverðan máta, var fólkið farið að halda einvherja ræðu yfir okkur um að það mætti ekki hlaupa aftan að hundum og var með fleiri ásakanir. Ég spurði hvort ég þyrfti ekki að fara með hann til læknis og húsfrúin sagði það algeran óþarfa því hennar hundar væru alltaf með hreinar tennur og bitu aldrei. Þetta átti greinilega að skrifast á Krumma, sem by the way gerði ekkert rangt. Þetta voru bara eitthvað geðsjúkir hundar. Ég hef labbað framhjá garðinum þeirra og þeir standa gaggandi við grindverkið.

Eftir þetta fórum við haltrandi í laugardagsskólann og smíðuðum bát sem hafði blöðru sem mótor. Það var rosalegt fjör og sennilega hálf kjánalegt að sjá mig með sög um hönd að reyna að finna sögunar stellingu sem myndi ekki kremja á mér vömbina. Ég vil meina að minn bátur hafi verið betri en Krummi þvertekur fyrir það og segir sinn fara hraðar og að blaðran á mínum sé eitthvað biluð.

Allan daginn fylgdist ég með bitsárinu og var alltaf að velta því fyrir mér hvort ég ætti að láta líta á þetta. Ég fékk ráð og tillögur frá ýmsum og það endaði á að ég hringdi á slysó. Mér var sagt að mæta. Þar sem slysó er hér rétt hjá, ákvað ég að strætó væri besti fararmátinn. Enda allt í góðu með kauða. En svo breyttist allt. Á leiðinni út á strætóstöð fór Krummi að anda með miklum óhljóðum (eins og hann væri að kafna), svo greip hann um hálsinn og varð skrítinn á svipinn. Eftir það varð honum óglatt og slefaði á jörðina, eins og hann væri að fara að gubba. Ég fríkaði út (á yfirvegaðan máta, inní mér) og tengdi þetta strax við bitið og stífkrampa. Ég veit ekkert hvað stífkrampi er eða hvernig hann virkar. Nú voru góð ráð dýr. Hvort átti ég að taka strætó eða leigubíl? Var ég kannski að fara að standa í strætó-gubbu-atriði? Hvort er betra að láta hann gubba í strætó eða leigubíl? Átti ég kannsi að hringja í sjúkrabíl? Ég kom sjúklingnum að strætóstöðinni og ákvað að bíða átekta. Hann var ekki dularfullur á litinn og virtist ekki vera að kafna eða falla í yfirlið. Ég hélt fast utanum hann og þá leið honum betur. Strætó kom og við dúndruðumst inn. Við komumst alla leið á slysó í strætó og barninu var batnað. Enda brá mér svo mikið að ég sagði honum að hann mætti ekki hræða mig og yrði að segja nákvæmlega hvernig honum liði því þá væri hægt að lækna hann rétt.

Þarna vorum við mætt í afgreiðsuna og ég sagði á spari dönskunni minni "han har været bidt af en hund". Afgreiðsludaman skildi ekki hvað ég sagði. Hrafn sá að hér þyrfti hann að bjarga málunum (ég hef heyrt hann segja við bekkjasystur sína að mamma sín sé ööömurleg í dönsku). Hann sagði á miklu betri dönsku að hann hafi verið bitinn af hundi. Þegar þarna var komið við sögu var hann hress sem vindurinn. Allavega alveg þangað til við vorum leidd inná skyndi skoðunarherbergi eitthvað til að meta hversu alvarlegt þetta væri. Þá var mínum aftur orðið ægilega óglatt og fékk vatn að drekka. Við vorum send í biðstofuna með vatnsglasið og barninu batnaði um leið og hann sá að leikjatölvan var með í för.
Þetta hefur þá bara verið svona rosalega sálrænt hjá honum. Enda afar dramatískt barn.

Á biðstofunni þurftum við að dúsa í rúma 2 tíma. Þarna var allskonar fólk með allskonar eymsli. Það var mikið að gera og nokkrir þurftu að standa á ganginum fyrir utan biðstofuna. Krummi spurði hvort hann þyrfti að vera í hjólastól en það var óþarfi í þetta sinn. Þegar röðin kom loksins að okkur, vorum við fljót afgreidd. Sárið var hreinsað og hann fékk 2 flöskur af fljótandi pensilíni. Þegar ég uppgvötaði að þetta væri í mixtúru formi varð mér um og ó. Hver man ekki eftir ógeðslegu barnæsku meðulunum í vökvaformi, ojj. Nú er öldin önnur. Krumma hlakkar alltaf til að fá skammtinn sinn og segir þetta vera eins og jógúrt á bragðið. Hann getur líka séð lækningarmátt lyfsins og segir sárið minnka á hverjum degi.

Á skaðastofunni spurði ég hvort maður ætti alltaf að koma ef maður yrði fyrir hundabiti og svarið var já. Börn á íslandi fá stífkrampa sprautu þegar þau eru 5 og 14 ára og þær eiga að duga til þess að þau þurfa ekki að fá sprautu við bit. Mér skilst að sprautan eigi að duga í 10 ár, þannig að ef maður er orðinn meira en 24 ára hlýtur maður að þurfa að fá skammt ef maður er bitinn. Þá veit maður það..

Öppdeit

2009-05-12T07:35:00.004Z

Já, löt hefur hún verið að blogga. Það eru nú ýmsar ástæður fyrir því en sú helsta er annríki heimilisins. Annars skulda ég engar útskýringar...

Við fórum heim til Íslands um páskana. Það var rosa gaman að koma heim og ég var eitthvað hissa hvað það var margt sem við vorum farin að heimþráast yfir. Þannig að ég fór að telja hvað væri langt síðan við fluttum til Dk og fékk soldið áfall. Vægt áfall þá. En í dag erum við búin að búa hér í næstum 11 mánuði. Fljótt að líða. Ferið til Íslands var líka furðu fljót að líða og við vonum að við getum verið lengur næst. Næst verður semsagt um jólin.

Hér er veður búið að vera dásamlegt, fyrir utan rigningarvikuna um daginn. Við fengum góða gesti í apríl, þau Hjörvar og Guðný. Þau voru einstaklega heppin með veður. Við þrömmuðum um allan bæ og fengum okkur (allir nema ég auðvitað) slowbjór og fórum í pílukasts-parakeppni. Ég man ekki hvernig stigin fóru en eitthvað rámar mig í að ég sjálf hafi halað inn nokkrum góðum stigum fyrir mitt lið. Að vísu gataði ég eitthvað í hurðina bakvið píluspjaldið líka en það þarf ekkert að fylgja sögunni. Svo um kvöldið buðu gestirnir uppá krókódíla og kengúrur. Svakalega var gaman og gott að smakka það. Við gerðum fullt fleira skemmtilegt en ég hef nú komist að því fyrir fullt og allt að minn heittelskaði er hörmulegur leiðsögumaður. Hann verður t.d. aldrei aftur sendur með ferðalanga uppá flugvöll. Ég frétti nefnilega af leiðinni sem var farinn. Jéssúss og goss.
Ég hef líka komist að því að helgarferðir eru bara alltof stuttar en samt gaman að geta skroppið svona smá. Þið verðið lengur næst...

Við erum loksins að losna við gömlu dýru íbúðina okkar. Þessa dagana erum við að hamast við að þrífa þar og standsetja svo við fáum kannski eitthvað af svívirðilega háu tryggingunni okkar til baka. Við erum svo heppin að þekkja hana dúndur Kristínu (Thunder-Stínu) sem bauð fram hjálp sína með þrif. Og það gerði hún eftir að hafa haldið heilt barna afmæli. Fjúff... og takk aftur.

Ég er alveg að fara að hætta í skólanum. Enda bara 5 vikur til barnsburðar. Ég var líka að fá það staðfest að ég þarf að byrja uppá nýtt á þeirri skóla lotu sem var að byrja á. Þannig að þetta er búið að vera hálf tilgangslaust hjá mér eitthvað. Það er nú ekkert skrítið að ég eigi að byrja uppá nýtt, því ég næ rétt að klára 3 vikur af 10. Enda skildi ég aldrei hvað ég var að byrja á þessu í lok apríl.

Við erum orðnir stoltir apple eigendur. Það var soldið spes að fá allt í einu tölvu í hendurnar sem við þurftum að læra á uppá nýtt. En um leið og hún vandist, þá gátum við ekki skilið pc notkunina á okkur. Hinsvegar skiljum við núna apple hrokann í apple eigendum/notendum, því að kveikja á gömlu risaeðlunni sem við erum búin að nota til nokkura ára, er bara fyndið. Það tekur hana alveg ferð inní eldhús, tvö kex og klósettferð að ræsa sig.

Svo mörg voru þau orð.

Jeminn hvað er búið að vera mikið að gera!!

2009-03-31T19:00:00.002Z

En ekki of mikið til að hanga á netinu til að bera saman veðurspár. Ég valdi kol rangan tíma til að koma til Íslands - veðurlega séð. Ég hafði svosem ekkert val, get huggað mig við það. Svo þoli ég hvort eð er ekki svo mikla sól í einu..

Sossum lítið að frétta

2009-02-26T07:21:00.002Z

Ég er aðeins byrjuð að pakka fyrir flutningana. Við sækjum lyklana á sunnudaginn og eitthvað minnir mig að það hafi átt að drekka vínglas að tilefni lyklaskiptana. Það var hugmynd leigusalans. Hann er rosalegur karakter. Ég vildi að ég gæti tekið með mér falda myndavél til að deila honum með ykkur. Kann ekki alveg við það samt. Enda á ég enga myndavél sem hægt er að fela.
Læt hér fylgja mynd af prófverkefninu mínu síðan í desember. Nú er Brynjar og hans hópur í sama prófi. Ég kom við uppí skóla í fyrradag og fann að þar var allt á suðupunkti. Þetta er svo undarlegt og óþjált verkefni að mannskapurinn var vel pirraður. Ég kom mér glottandi í burtu.
Á mánudaginn á ég að byrja í skólapraktík og fer að vinna fyrir launum. Það finnst mér mjög svo undarlegt fyrirkomulag. Ég er semsagt á launum út allan skólan. Auk þess borgar skólinn fyrir strætókortið mitt því ég er að flytja í meira en 10km fjarlægð frá skólanum. Loksins förum við kannski að eignast einhvern pening til að kaupa okkur föt og svona, því ekki hef ég keypt mér nema 3 boli og 1 peysu síðan við fluttum hingað fyrir 8 mánuðum. Aumingja Brynjar hefur fengið 3 nærbuxur og Hrafn, aðeins það sem nauðsynlegt var. Þannig að ég fagna þessum 5.000 kalli sem á eftir að halast inn um hver mánaðarmót.
Ég vona samt að ég eigi eftir að höndla þessa praktík því ég er algjörlega orkulaus þessa dagana. Ég þjáist af svefnleysi og almennum hlunkagangi. Ég er samt búin að passa að fara á fætur kl. 7 með öllum öðrum á heimilinu svo ég snúi ekki sólarhringnum við. Það er svo auðvelt þegar maður er í fríi.
Brynjar er viss um að ég hressist bara við að byrja. Það getur alveg verið rétt hjá honum. Ég þarf bara að passa mig að haga mér eins og dani. Þ.e. að vinna ekki of mikið og ekki of hratt.

Síðasta vika

2009-02-23T08:28:00.005Z

Hrafn var hress alla vikuna. Þessi mynd segir kannski allt sem segja þarf.
Mér dauðbrá á fimmtudaginn þegar ég sótti Hrafn í skólann. Allan daginn hélt ég að þarna væri ljón á ferðinni en svo um kvöldið þegar myndatakan fór fram, kom í ljós að hið meinta ljón var íkorni eftir allt saman. Það segir sig kannski sjálft þegar rýnt er í framtennur dýrsins.

Hér voru bakaðar bollur í gær. Ég fann uppskrift á netinu en hún hefur greinilega verið uppskrift að smábollum. Þær voru mjög svo penar hjá mér að þær voru hámaðar í sig í tveimur munnbitum. Það var líka allt í lagi því að þeim sökum varð hin árlega rjóma glíma auðveldari. Súkkulaðið heppnaðist sérlega vel og eftir átið varð Brynjar gjörsigraður og steinsofnaði. Hann þolir víst ekki svona mikinn sykur, að eigin sögn. Ég hins vegar höndla hann vel og varð öll hin fjörugasta. Krummi svindlaið og át 2 risavaxnar bollur hjá vini sínum áður en hann kom heim. Hann náði svo að borða 1 smábollu hér heima. Ekki sérlega góður árangur það.
Enn á ný finn ég vorþef í lofti - og á kortum. Þá getur húsvöruðurinn Brian kannski slakað á með hávaðasama snjóblásarann sinn sem hann hamaðist um með í gærmorgun. Hver fer að búa til göngustíga í snjóinn klukkan 8 á sunnudagsmorgni? Ég held hann sé ekki með fulle femm þessi maður. Ekki nema von að það kosti að búa hér. Það er svoleiðis hægt að spranga hér um á pinnahælum allt árið, algjörlega óháð veðri og tíðarfari. Svo var allur snjór horfinn (sá sem var ekki blásinn í burtu) um seinnipartinn.
Nú ætti Brian hins vegar að fara að huga að slátturvélinni og arfabrennslugræjunni en hann þarf ekki að dusta rykið af laufblásaranum fyrr en í haust. Annars er aldrei að vita nema hann þurfi að blása einhverju eitthvað fyrir þann tíma. Það er alveg ótrúlegt hvað til er af hávaðasömu og umhverfismengandi óþarfa tækjum. Hvað varð um gömlu hrífuna og járndótið til að moka upp arfa? Ég segi bara, "á hnéin með þig, Brian"....

Hvítur dagur í Køben

2009-02-20T07:40:00.016Z

Það er eitthvað útlandalegt við svona lestarmyndir. Tja, ætli það sé vegna þess að svona lagað finnst ekki á Íslandi..
Hrátt en skemmtilegt.
Lestateinar þvers og bílaumferð kruss. Krids og tværs þýðir krossgáta. Athyglisvert, ekki satt?
Netto menn að störfum. Það þurfa allir Íslendingar að koma inní Netto búð. Þar úir og grúir saman allskonar dóti og drasli. Skipulagið er mjög lítið en maður lærir á það á endanum.
Mér finnst dönsk götuljós eitthvað svo undarleg. Það er alveg eins og þau séu að verða ónýt. Þau lýsa heldur ekki mikið, enda rándýrt að reka eina ljósaperu hérna.
Danir eiga það til að klæða sig einstaklega illa í snjó og kulda. Þegar það fór að kólna í haust, var gert grín að úlpunni minni og ég var spurð í hverju ég ætlaði að vera í vetur. Ég piffaði laumulega á liðið útum vinstra munnvikið og hló kvikindislega inní mér þegar blessaðir unglingarnir urðu veikir, einn af öðrum.
Á fleygiferð útum lestarglugga. Brynjar er mikið fyrir að taka myndir útum glugga.
Mér finnst alltaf merkilegt að sjá svona "Spánar snúrur" sem dragast á milli glugga. Þegar svona er ástatt fyrir fólki, er mikilvægt að nágrannarnir séu vingjarnlegir - jafnvel vinalegir. Maður getur rétt ýmindað sér hvað illgjarnir grannar geta gert við þvottinn manns. Mikið ofboðslega hlýtur samt að vera þreytandi að hafa svona fyrir gluggunum hjá sér alla daga. Verst væri þó að eiga sveitta og lúna granna sem hefðu upplituð nærhöld sín á snúrunni í marga daga. Sérstaklega ef ódýrðin blasir við stofuglugganum. Hugsið ykkur ef það væru gestir sem þyrftu að gista í stofunni. Svo þeyta þeir gluggatjöldunum frá um morguninn og í staðinn fyrir að fá sólskinið beint í augun, þagnar fuglasöngurinn og bremsufar nágrannans lemur augasteinana svo liggur við yfirliði.
Þarna var allt iðandi af lífi. Myndavélin er alls ekki að ná stemminguni þarna. Mikið finnst lesendum á Íslandi örugglega óspennandi að skoða myndir af börnum í snjó en sennilega voru þarna saman komin öll börn í hverfinu. Þar sem þetta er víðsfjarri okkar heimakynnum, vorum við Hrafn ekki viðstödd. Bara ég. Ég var hissa hvað snjóþotueign danskra barna er öflug því það eru nú ekki margar brekkur hérna. Allavega datt mér ekki í hug að taka okkar þotu með. Mér finnst líka alltaf soldið fyndið að sjá dani með skíði á öxlinni á lestarstöðinni. Sennilega á leið til Noregs eða Svíþjóðar með farangurinn.
Þetta átti að vera heimildarmynd um það hvað ég var svöng í danskan bakaríssnúð með miklu gúmmelaði. Í bakgrunni átti að sjást allt úrvalið í bakaríinu en það hefur eitthvað misfarist. Þarna sést rétt glitta í fjögur fátækleg aumingjabrauð. Eftir myndatökuna, vatt ég mér inní hlýjuna og var reiðubúin að panta sykurleðju á dönsku. Röðin var skelfileg. Um 10 manns voru þarna inni í einni kássu. Ég dúndraði mér út í snatri með það í huga að væri vel hægt að ná sér í sykur annarsstaðar.
Nánast komin að leiðarenda, ísköld, þreytt í fótum og með snjó í hári. Enda búin að ganga 5 km. Þarna er ég semsagt komin að verslunarmiðstöð þar sem seld eru vínarbrauð og fleira. Auk þess er metró stöð í kjallaranum og þegar þarna var komið við sögu, átti ég bara eftir að taka metró í vinnuna og svo heim eftir borð- og klósett þrifin.

Undirskriftin

2009-02-14T10:12:00.007Z

Við fórum að skrifa undir íbúðar leiguna í gær. Það gékk vonum framar, miðað við hvernig dagurinn var búinn að vera. Í þetta sinn tókum við myndir..Þetta er svalahurðin í stofunni.Þetta er líka í stofunni fögru. Takið eftir innbyggðu hillunum.Sami veggur og ein af hinum dásemdar rósettum í loftinu.Þetta er séð úr stofunni og inn í tilvonandi svefnherbergi okkar Brynjars. Á milli stofunnar og herbergisins eru tvær glerhurðir með mörgum smágluggum. Þær opnast í hina áttina og sjást ekki á þessum myndum.

Það virkar allt rosalega lítið á þessum myndum. Við fengjum aldrei vinnu sem ljósmyndarar á fasteignasölu.

Föstudagurinn 13.

2009-02-09T09:43:00.004Z

Við vorum að fá nýja íbúð. Það er efri sérhæð með svölum og garði. Algjört æði. Eigandinn er listamaður sem er að fara að vinna á Jótlandi. Honum þykir ekkert lítið vænt um íbúðina sína. Enda er hún rosalega vel með farin og falleg. Hann er búinn að flísaleggja eldhúsgólfið í rosa spes munstur og svo er flísalagður áttaviti í forstofu gólfinu, þannig að við ættum aldrei að vera áttavilt. Eigandinn er gríðarlega stoltur af honum. Ef við viljum ganga í norður, þá bara kíkjum við á gólfið áður en lagt er í hann. Það eru rósettur í öllum loftum, glæný þvottavél í kjallaranum, stór ísskápur og risa stór garður með hvítri styttu og alles. Svo má ekki gleyma því að það er baaaaaðkaaaaar í kjallaranum líka. Ég held samt að það sé sameiginlegt með neðri hæðinni, en það gerir ekkert til því það er sturta í íbúðinni. Við tókum myndavélina með í gær þegar við lönduðum samningnum, en gleymdum því miður að taka myndir.. Stressið og spenningurinn var þvílíkur að ég svitnaði á bakinu og fattaði það ekki fyrr en við vourm komin út. Íbúðin er í einbýlishúsa hverfi og það eru víst fullt af krökkum sem búa þarna. Við skrifum undir leigusamninginn á föstudaginn og eigum þá að borga fullt af dönskum pjéníngum. Ég vona bara að við lendum ekki í gjaldeyris vanda. Ég er pínu banginn vegna þess að þá verður föstudagurinn, 13... óhappa ógeðs dagur. Vonandi er sú hjátrú bara bull.
Við fáum íbúðina afhenda 1. mars en getum sennilega ekki flutt fyrr en Brynjar er búinn í skólanum, 20. mars. Það verður erfitt að bíða svona lengi en námið hefur forgang. Óþolandi skynsöm alltaf hreint...
Hér er ég að fletta í orðabókum fyrir Brynjar. Það munar rosa miklu í lærdómstíma ef það nennir einhver að vera á orðabókinni. Ég verð að segja að ég sakna þess mjög að vera ekki í skólanum. Það er svo skrítið með þennan skóla að hann fær að læra miklu meira en ég. Þá verður hann bara vitrari. Gáfaður eins og ugla. En það er eins það sé engin sérstök námsskrá í gangi.Hér er ég í vinnunni. Þessi mynd var tekin eftir að það fattaðist að myndatökur af nýja framtíðar heimilinu gleymdust. Takið eftir hvað ég skemmti mér vel..

Ég held að ég sé eini notandi myndavélarinnar nýju

2009-01-31T14:03:00.005Z

Barnið er búið að kvarta undan tanna eymslum í nokkrar vikur, held ég bara. Það er ekki hægt að bíta í brauð nema á sérstakann hátt því að ein tönnin er búin að vera svo laus. Samt hef ég ekki mátt gera neitt í málunum. Mér er illa treyst í tannmálum. Í dag fékk ég nóg og fékk mér eldhúsbréf og tók tönnina bara úr. Það var ekki hægt að ná henni úr með fingrunum einum saman því sleipt var kvikindið. Það þurfti heldur engin átök til að ná henni úr, þegar pappírinn var mundaður. Takið eftir hvað framtennurnar eru komnar langt til hliðar. Þetta gerist nefnilega þegar það er laust pláss einhversstaðar í munninum. Tennurnar vilja bara loka því á hvern þann hátt sem þær mögulega geta. Þessi póstur átti samt ekki að vera um tannfræðslu. Mér finnst gatið eftir úrteknu tönninu sérlega smart. Líka horið í nefinu og glansandi augun.

Í veikindum á að hafa það gott. Hér er alveg verið að fara eftir þeim reglum. Náttföt og tölvuspil passa líka svo vel saman. Ég held hann sé loksins orðinn frískur en ætla að halda útiveru banni allavega í dag til að hann komist í skólann á mánudaginn.

Þessi segir sig nú bara sjálf. Þarna er vembillinn Langakló eitthvað að glenna sig..

Síðustu dagar

2009-01-29T09:33:00.003Z

Hér er sjúklingur vikunnar að störfum. Hann er búinn að vera veikur síðan á sunnudaginn. Það eru undarleg veikindi í gangi. Hitinn fer stigvaxandi með hverjum degi og í gær náði hann 39 stigum. Svo gerðust undur og stórmerki í morgun. Hann er alveg hitalaus og byrjaður að reikna í skólabókinni sinni. Vonadi helst hann hitalaus í allan dag.
Brynjar er hins vegar í miklum tónlistar ham. Hann semur og spilar á báða bóga og stundar samspil yfir internetið. Það var allavega einhver tilraunamennska í gær sem ég veit ekki hvernig gafst. Hér er hann að störfum við geimskipið sitt. Það er sumsé tölva heimilisins. Vegna þessa áhuga hans, verð ég að gerast morgun bloggari og internet hangari því það er ekki hægt að komast að á kvöldin. Ég er nú samt ekkert að kvarta því ég fæ alveg frið með sjónvarpið á meðan hann er svona duglegur í tónlistinni.

Þar kom að því..

2009-01-28T18:32:00.007Z

Ég gaf Brynjari, myndavél í jólagjöf svo ég gæti deilt lífi okkar með ykkur. Þetta var kannski jólagjöf sem var handa mér líka en í skaðabætur gef ég honum eitthvað einstaklega fallegt (sem ég get ekki notað) í afmælisgjöf. Sem betur fer styttist í afmælið hans, þannig að ég gleymi ekki að finna eitthvað sem passar við lýsinguna.

Hér koma fyrstu myndirnar sem teknar voru í kringum jól..

Þarna er búið að opna flesta pakkana. Þessi tölva átti svo eftir að fylgja barninu hvert mál, restina af jólunum. Enda var honum búið að langa í svona í langan tíma. Ég var leiðinlega mamman og setti reglur um tölvunotkunina. Þær eru enn í gildi en það er ekki eins þjáningaríkt að fylgja þeim núna.

Hér er Hrafn á hjólinu sem við gáfum honum í jólagjöf. Þetta er tekið beint niður úr glugganum okkar á jóladag. Það voru engir krakkar úti að leika sér en eymingja Hrafn var rekinn út í 1 rúnt. Enda að mygla vegna hinnar þekktu jóla inniveru. Ég hefði kannski átt að fylgja honum..

Helsta vörumerki Brynjars fékk að fjúka á haustmánuðum. Það er kannski ekki rétt að segja þetta, því hans allra helsta vörumerki eru auðvitað allir gítararnir hans. Þeim sleppir hann aldrei. Það sem ég er að tala um, er faxið góða. Hann fékk hreinlega nóg og lét mig á klippurnar. Ég höndlaði hárið á þann eina veg sem ég kann og rúði greyjið jafn stutt, alla leið. Ég held að hann hafi verið að vonast eftir einhverri snilli að minni hálfu en ég viðurkenni fúslega að ég kann bara ekki að klippa.
Takið eftir rúmfötunum sem lafa í gardínu stað..

Máttur internetsins

2009-01-15T08:36:00.002Z

Þessa dagana er ég algjörlega á fullu í internet leit. Stundum hugsa ég "djöfuls internet, tekur allan minn tíma" og auk þess hef ég gleymt að borða heilan dag því ég hef verið svo upptekin í þessu. Nú er ég að leita að íbúð, barnavagni, rimlarúmi og allskonar fleiru sem verður á netleitar leið minni. Svo þarf að stússa í ýmsu í sambandi við skólann og praktíkplássið sem ég ætlaði að vera búin að græja..

Í gær fattaði ég að það væri samt skömminni skárra að eyða þessum tíma fyrir framan tölvuna, heldur en að þurfa að æða útum allan bæ í nýju landi (kannski er ekki endalaust hægt að kalla þetta nýtt land).
Ef ég ætlaði að taka þetta internet laust, þá yrði ég að taka með mér eftirfarandi í bakpoka:
Símaskrá
Orðabók
Borgarkort (jafnvel staðsetningartæki)
Almennings samgangna fargjald af einhverju tagi
Síma
Nesti
Pening

Ég held ég sleppi því bara og haldi áfram að lafa fyrir framan tölvuna.

Hjem

2009-01-14T09:11:00.003Z

Ég keypti páska heimferðina í gær. Við komum föstudaginn, 3. apríl og förum mánudaginn, 13. apríl.
Tilgangur ferðarinnar er að sækja rykfallið smábarnadót sem hefur lúrað í kössum í heil 7 ár. Vona að þetta sé ekki allt morkið úr elli. Og svo ætlum við auðvitað að hitta ykkur öll. Veit að þið eruð ekkert morkin.
Mér sýnist öll fjölskyldan krauma af niðurbældri heimþrá, svo það er aldeilis kominn tími á að kíkja heim.

Svo mörg voru þau orð..

Órói í skólanum

2009-01-13T12:21:00.002Z

Við Brynjar vorum að frétta að ein stelpa úr hans bekk var næstum lamin í skólanum í desember. Það var víst eitthvað vegna þess að hún var að verja mig. Stelpur úr mínum bekk voru að ræða að þær skildu ekki hvernig ég hafi fengið 12 í lokaprófinu en þær bara 7. Þeirra rök voru að ég kynni ekki einu sinni dönsku og varnarmaður minn túlkaði það þannig að þeim findist ég hreinlega of heimsk til að gera fengið 12.
Málið er það að Brynjars bekkur og þar á meðal varnarmaður minn eru lengur í grunnnáminu vegna þess að þau eru ekki nógu sterk í dönsku. Það er málfræði, stafsetning og eitthvað svoleiðis sem vantar eitthvað uppá. Allavega... Varnarmaðurinn spurði stelpurnar þá hvort þeim findist þá þau sem væru í hennar bekk (og Brynjars) öll vera nautheimsk. Svo gékk eitthvað meira á og hún sagði besta vini sínum frá þessu. Þessi besti vinur hennar er svo aftur besti vinur Brynjars í skólanum. Þegar baktalarnir úr mínum bekk komust að því, varð allt geggjað og þær ætluðu hrienlega "í´ana". Varnarmaðurinn varð bara skíthræddur og við erum að frétta þetta núna. Já, það er axjon í skólanum..

Svo fór bekkurinn minn út að borða eftir prófið en mér var ekki boðið með. Reyndar var mér svo boðið með í matinn sem var búið að ákveða fyrir prófið. Ég komst ekki í hann. Mér finnst þetta alveg stórkostlegt því að það breyttist allt eftir þessa blessuðu einkunn. Eru danir virkilega svona rosalega öfundsjúkir? Ég var búin að heyra það en aldrei lent í því sjálf.

Ég er ekki sár eða svekkt heldur finnst mér þetta bara svo undarlegt allt. Soldið svona eins og köld gusa, beint í fésið. Eins gott að þær voru engar sérstaklegar viknonur mínar. Reyndar leiðist mér þær. Enda eru þær sleikjulegar með einsdæmum. Ég forðast fólk sem er sleikjulegt og falskt. Það getur hreinlega átt sig.
Já, og svo er ein þeirra búin að vera að senda mér einhver skilaboð á vinalegu nótunum. Örugglega til að tékka hvort ég sé búin að frétta þetta.

Nú verð ég bara að finna praktíkpláss til að gera þær alveg brjálaðar. Þá þarf ég aldrei aftur að hitta þær aftur. Nema frá 1. maí til þess dags sem ég hætti vegna fæðingarorlofs. Sennilega verður það 15. júní.

Profid mikla

2008-12-17T11:16:00.003Z

Nu er eg ad springa ur monti og skrifa beint ur skolanum tvi eg get ekki bedid med ad lata ykkur, alheim, vita hvad eg fekk a verklega profinu.

Reyndar er einkunnargjofin ekki su sama her og a Islandi.
Her er gefid svona:
-02
-00
2
4
7
10
12

Eg fekk hvorki meira ne minne en 12. Restin af bekknum fekk 7, fyrir utan einn sem fekk 4. Eg er griiiidarlega montin alveg. Eg var buin af fretta ad tad fengi næstum enginn svona mikid, tvi ad tessi einkunn stendur fyrir "hina fullkomnu framsetningu".
Profdomarinn og kennarinn sogdu ad eg gæti verid virkilega stolt af tessari einkunn og eg ætti ad taka hana med mer og finna praktikplass. Tad er vist næstum omogulegt ad fa praktikplass herna nuna tvi tad var verid ad breyta reglunum. Sjaum til hvad gerist.

A morgun verd eg komin i jolafri og fer ekki aftur i skola fyrr en i byrjun mars.

Strætó

2008-12-13T20:14:00.002Z

Við Hrafn erum farin að nota strætó aðeins meira en við gerðum. Ætli það sé ekki aðallega vegna kulda og þreytu. Svo er hjólið hans í hálfgerðu ólagi. Allavega erum við búin að taka strætó til Kristínar og Tóta, bæði í dag og í gær. Í gær vildi klippikortið mitt ekki klippast undir eins í strætónum, svo að bílstjórinn sagði okkur baaara að hoppa inn því það væri nóóóóg pláss. Þurftum semsagt ekki að borga. Grunar að það hafi verið vegna þess að við vorum með greni meðferðis, sem gestgjafar okkar gáfu okkur og það hafi dempt jólaandanum yfir stjórann. Áðan fórum við semsagt aftur heim með strætó og þá var bílstjórinn með jólasveina húfu og dró upp brjóstsykurs dúnk þegar hann sá Hrafn. Það er ekkert smotterí sem þeir eru vinalegir hér.

Afhverju þurfa allar bloggfærslur að heita eitthvað?

2008-12-10T17:40:00.002Z

Mér finnst eitt alveg stórmerkilegt hér í Danmörku. Danir þurfa oft að tala svo hátt við börnin sín. Sérstaklega þegar börnin eru að gera eitthvað siðugt (að foreldranna mati). Ég sá einu sinni konu með nýfætt barn í búð og hún átti við það ákaflega skrítið samtal. Mamman og unginn ræddu á mjög háu nótunum, hvað þeim vantaði nú til heimilisins og hvernig hitt og þetta smakkaðist. Í annarri búð var svo ein amma með ca 5 ára barnabarn sitt sem hún hrópaðist á við (reyndar hrópaði barnið ekki, frekar en í öðrum tilfellum). Þannig var að krakkinn var með vatnsflösku og var að pæla í því hvort vatnið gæti orðið meira í flöskunni. Amman hrópaði að það væri ekki hægt, það væri nú erfitt að láta vatnið verða meira (til að allir viðstaddir vissu um hvað málið snérist). Barnið talaði eitthvað meira en amman hrópaði aftur að til þess að vatnið gæti orðið meira í flöskunni, þá þyrftu þau nú að hafa vatnshana. Að því loknu leit amman í kringum sig með aðdáunar bros á vör, til að sjá hvort viðstaddir hafi ekki örugglega heyrt hvað barnabarnið var sniðugt.
Vildi bara koma þessu að..

Ég er búin með prófverkefnið mitt. Heilum 4 skóladögum fyrir áætlaðan skilatíma. Ég var meira að segja veik 1 daginn, þannig að persónulega finnst mér þetta afar góður tími. Til að vera góður tannsmiður, þarf maður bæði að vera fær og fljótur. Eða FF, eins og ég kýs að nefna það frá og með deginum í dag. Hinir í bekknum eru reyndar alvega að verða búnir. Þeir sem klára næstir eiga kannski 1-2 daga efitr. Svo eru reyndar 2 stelpur sem ég veit ekki alveg hvort nái að klára. Þær verða bara að eiga það við sjálfar sig og kannski blaðra aðeins minna í tímum. Önnur þeirra er reyndar alveg hæfileikalaus og á örugglega eftir að falla en hin vælir og volar alla daga og lætur aðra gera allt fyrir sig. Nú fær hún að gjalda fyrir það með reynsluleysi sínu..

Ó, svo mikið að gera

2008-12-05T23:07:00.004Z

Ég er í hálfnuð með 2ja vikna verklega prófið mitt. Verkefnið sem við fengum var "efri heilgómur með forjaxl úr gulli". Reydnar var gullið eitthvað gallað, þannig að við notuðum silfur í staðin. Mér gengur dúndur vel og virðist ekki ætla nota allan tímann. Klára þetta sennilega á miðvikudaginn. Nema auðvitað að eitthvað komi uppá. T.d. gæti gómurinn brotnað, akryl blandan mistekist eitthvað eða tennurnar hreyfst úr stað við akryl íhellingu. Sniðugt að reyna að íslenska allt sem maður er búinn að vera að læra á dönsku. Ef eitthvað af þessu gerist, verð ég að byrja uppá nýtt og þá eru góð ráð dýr.

Hér í danmörku virðast jólin koma hraðar en á Íslandi. Kannski er það vegna þess að ég veit ekki alveg hvar á að kaupa hvað. T.d. er ég búin að vera að leita af jólakortum. Hér eru bara til ljót jólakort. Þið sem fáið jólakort send, verðið að fyrirgefa það. Ég þoli ekki að senda ljót jólakort. Ég þóttist ætla að föndra kortin sjálf en gafst upp eftir 2 stk. Þetta tekur bara of langan tíma. Já, og þeir sem eiga að fá jólakort frá okkur, verða að fyrirgefa ef þau koma ekki. Ég er bara svo upptekin þessa dagana. Það sést kannski á bloggleysinu.

Hrafn er búinn að hengja upp viðvörun á herbergis hurðina hjá sér. Þar stendur að hann og Gummi séu þeir einu sem meiga vera í herberginu. Svo er krossað duglega yfir eftirtalin nöfn: Aldís, mamma, Brynjar.... Ég tek því þannig að við séum óvelkomin. Svo er mynd af skelfilegum eldspúandi dreka. Því tek ég sem hótun.
Hrafn er líka duglegur að segja mér að lesa miðann á hurðinni. Ég benti honum góðfúslega á að öll fötin mín væru inni hjá honum og mér þætti verra að standa ber fram á gangi meðan hann veldi föt dagsins á mig. Þá fékk ég leyfi til að koma inn, aðeins til að sækja mér föt. Svo meigum við koma inn á morgnanna (þegar á að vekja hann) og á kvöldin (þegar það þarf að breiða yfir hann og bjóða góða nótt).
Ég held hann endi á þingi ef þessi hentistefna heldur mikið áfram.

Skólinn minn er sniðugt, en soldið skrítið, apparat

2008-11-10T13:08:00.005Z

Ég á aðeins 5 vikur eftir í grunn náminu. Nú hafa skóla ráðendur tekið upp á því að láta skipta um rafmagnstöflu í skólanum. Það skemmtilega við það er að kennararnir vissu ekki um það fyrr en daginn áður, svo þeir gátu ekki gert neinar ráðstafanir. 3x höfum við þess vegna verið send heim vegna rafmagnsleysis.

Í dag vorum við í skólanum til hádegis. Eftir það vorum við send út í Netto að kaupa 20 rauðvíns flöskur. Svo áttum við að fara með 1 flösku hver, til tannsmiðanna sem við fengum að fara í prufu praktík fyrir 6 vikum. Skólinn splæsir að sjálfsögðu bæði lestarferðum og víngjaldi.
Undarlegt.

Af öðrum tíðindum.

Við erum nú orðin fleiri í heimili. Um þessar mundir, hafa silfruð óféti verið að gera sig heimakomin hér. Silfurskottur heita þær. Þær eru rosalega mjúkar og auðdrepanlegar. Það er nóg að sveifla einhverju á þær og þær steindrepast. Þær eru hryggleysingjar svo að búkurinn á þeim merst bara. Ætli að sé ekki svipað að pota í silfurskottu og þykkt krem. Nema kremið skundar ekki af stað um leið og það finnur fyrir hreyfingu í umhverfinu (sem betur fer). Það sem er sennilega viðbjóðslegast við kvikindin er hvað þau eru kvik. Sérstaklega þau eldri og lífsreyndari. Ég er dúndur góð í að murka börnin sem líta út eins og lítil og mjó kusk en þegar 1cm viðbjóðir skjóta upp kollinum hrópa ég á hjálp. Stundum er enga hjálp að finna og þá verð ég að redda mér. T.d. er eitt óargardýrið undir glasi í eldhúsinu. Það var veitt snemma í gærmorgun og er enn lifandi. Ég bíð spennt eftir dauðadeginum.

Neikvæðni drepur

2008-11-07T13:55:00.004Z

Í dag sá ég að rukkunin fyrir íbúðina okkar á Íslandi var komin í heimabankann. Ég bölvaði í hljóði (þar sem ég var ein heima og gat ekki kvartað í neinum öðrum) yfir því að afborgunin er búin að hækka um 10.000 kall á 2 árum. Ég smeygði mér inná landsbanka heimabankann og ætlaði að greiða kvikindið. Sá ég þá ekki að ríkisféhirðir hafi lagt inn hjá mér fullt af peningum, sem dugðu fyrir íbúðarláninu í þokkabót. Mér varð um og ó, hugsaði að þennan fjárans pening hafi ég ekki átt að fá því ég er flutt frá landinu og á ekki að eiga neitt inni hjá Íslandi. Alltaf verið að gera einvhver svona mistök. Ætli ég þurfi svo ekki að borga vexti af þessu þegar ég þarf að borga þetta til baka? Ég lét slag standa og spreðaði þessu í húsnæðislánið á svipstundu. Svo sjáum við bara til hvað gerist, hugsaði ég.

Svo hugsaði ég aðeins meira og fattaði það að ég gæti ekki volað yfir þessari aumu hækkun á láninu. Svo hugsaði ég ennþá meira og fann það út að þessi peningur sem ég fékk á reikninginn minn er einvher vaxtabóta/barnabóta afgangur síðan á skattaskýrslunni minni.

Ég er hætt að vera fyrirfram neikvæð.

Til lykke Bíí Djei

2008-10-26T16:09:00.005Z

Eða hvernig var þetta nú eiginlega skrifað í USA..
Litla skrípið sem ég hafði svo gaman af að pína og stríða er lokskins að verða fullorðið. Lengi vel gat ég beitt kröftum mínum til að bíta, klípa, toga og hrinda. Þessir kraftar virtust endalausir á tímabili.
Skrípið fór stundum að grenja svo að ég þurfti að vanda betur til verks, þ.e.a.s. að meiða að mörkum grenju. Nógu mikið en ekki of mikið.

Svo breyttist eitthvað. Eldra systkinið, ég, varð alltaf linara og kraftlausara með tímanum. Allavega ef tekið er tillit til hvað yngra skrípið styrktist og óx. Áður en ég vissi af þá var kveekendeð orðið höfðinu hærra en ég og farið að vippa mér út frá öxl.

Einhverstaðar á milli þess að skrípið var aumt grey og svo síðar, höfðinu hærri, var ég vör við að ég þyrfti að láta af skrílslátum mínum - annars myndi ég hafa verra af.

Nú er ég góðmennskan uppmáluð.

Til hamingju með afmælið, Bjöggi!!!

Femm tilbeeeegee

2008-10-25T11:16:00.003Z

Við vorum 14 í mínum bekk til að byrja með. Þessa viku höfum við verið ca 5 sem erum að mæta í skólann. Þetta þykir mér ansi mikil afföll. Þeim tek ég þó fagnandi því að þar myndast meiri möguleikar fyrir mig að fá praktík pláss. Við það að fá praktík pláss, hækka launin mín að minnsta kosti um 2.500 dkr á mánuði. Það eru ca. 50.000 isk.

Bæng bæng

2008-10-20T18:24:00.003Z

Ég á enga myndavél og verð því að setja inn gamlar myndir af okkur. Held að þessi mynd sé 1 árs. Myndavél var eitt af því sem við ætluðum að kaupa okkur þegar við flyttum til Danmerkur. Svo fór allt eins og það fór og enn höfum við ekki keypt hana. Okkur vantar líka 2 ipod-a ef við förum í skóla praktík, því þar er víst óverandi vegna kjaftagangs og almennra óláta. Svo vantar okkur borðstofuborð eða stórt eldhúsborð, því við erum að fá gesti um jólin og það væri skemmtilegra ef allir kæmust fyrir við jólaborðið. Við erum líka orðin fatalaus, en það er vegna þess að við týmum aldrei að kaupa okkur föt. Þar er nú bara almenn nýzka á ferð.

Þetta er alls ekki það sem ég ætlaði að skrifa um.

Gengin uppí Nørrebro eru endalaust að skjóta á hvert annað. Í dag var drive-by sem einhverjir eymingjans leikskólabörn urðu vitni að. Skóla praktíkin okkar er í þessu glæpa hverfi og mér lýst alls ekki á það. Það er fullt af fólki sem segir að það sé allt í góðu lagi að vera þarna og að þessar skot árásir séu bara eftir kl 18, eða svo. Árásin í dag var kl. 14, svo að ég held áfram að lítast ekki á blikuna.

Ólekker og truntuleg

2008-10-09T16:26:00.003Z

Ég fór í lestarferð til Roskilde um daginn. Á bakaleiðinni var afar ólekker kona sem sat hinu megin við ganginn ásamt ca 8 ára strák hennar. Sú ólekkera tuggði tyggjó sem fagmaður. Reydnar hélt ég að neðri kjálkinn myndi hrynja af henni þegar mest gékk á. Hún spilaði líka tölvuspil í símanum sínum, á fullum hljóðstyrk. Krakkinn var vitaskuld ofsa spenntur að fylgjast með en eitthvað hefur móðurlufsunni mislíkað ágangurinn, svo hún bara SLÓ hann bara. Mér varð um og ó (og krakkanum líka) því að hann var ekki með nein læti. Svo skammaði hún eitthvað voðalega mikið. Ég laumaðist til að skoða þau í laumi. Það gerir maður þegar maður er sjokkeraður.
Svo kom að stráknum að spila, það átti greinilega að skiptast á. Þegar stráksi var búinn með sitt spil, sem var mjög stutt, þá startaði hann öðrum leik. Mamman var ekki kát með það og eftir eitthvað tuð þá hrifsaði hún spilið af honum og byrjaði sjálf. Svo kom eitthvað sigurlag í spilinu og hún sýndi þann þroska að head-banga við það. Rosa smart.
Þegar við vorum að vera komin á áfangastað þá bað hún mig um að færa mig svo hún myndi ekki reka töskuna sína í hausinn á mér. Taskan hennar var semsagt í farangursrýminu fyrir ofan mig. Þegar ég reis upp og hún kom nálægt mér þá fann ég ógeðs sígarettufýluna af henni. Ég hef sjaldan fundið aðra eins stækju. Úff.
Þá kom ég auga á ljósbleiku/sígarettugulu mikka mús handveskuna hennar. Það var ofsa ljótt. Aumingja barnið að neyðast til að vera í slagtogi með svona hræi. Vonandi lyktar hann ekki svona en ég náði ekki að þefa af honum.
Ég steig út úr lestinni á Hovedbanegården, fegin að hafa hana ekki lengur fyrir augum, eyrum né nefi. Samt angar allt frekar illa á Hovedbane...

Uppgjör helgarinnar

2008-09-28T18:59:00.003Z

Hér er búið að vera nóg að gera. Við erum örmagna eftir helgina. Við fórum í mat og spil til KrisTó og co., steiktum vöfflur og buðum TóKris og co., lærðum heil ósköp, settum Krumma rúm loksins saman, fengum okkur ís, tókum til og vorum öll hin fjörgust.

Við Brynjar erum bæði í sífelldum hópaverkefnum. Það er verið að kenna skrílnum að vinna saman. Við höfum nokkrum sinnum lent í að gera allt verkefnið ein. Ég var einmitt í svoleiðis vinnu um helgina. Við nennum ekki að röfla yfir þessu því að við lítum á það þannig að ef við erum þau einu sem gerum verkefnin þá erum við líka þau einu sem lærum á þeim. Svo erum við ekki nógu góð í dönsku til að vera að kvarta eitthvað.

Krummi er alltaf að læra á gítarinn en er skelfing latur við það. Það eru ótrúlegustu afsakanir sem hann reynir að nota til að sleppa. T.d. vildi hann hjálpa mér að elda í kvöld og svo hefur hann nokkrum sinnum viljað fara að sofa þegar hann á að æfa sig. Þetta barn biður ALDREI um að fara að sofa.
Hann er kannski svona gasalega "þreyttur" alltaf vegna þess að hann er næstum með fullan munn af tönnum og bólginn góm. Það er nokkuð augljóst að hann þarf að fara í tannréttingar. Hann er með massívt frekjuskarð (sem mér finnst reyndar ekkert athugavert við) og svo eru hliðarframtennur á neðri hæð byrjaðar að vaxa fyrir innan allar hinar tennurnar.
Mér finnst mjög áhugavert að skoða uppí fólk þessa dagana. Ég er samt ekkert að ráðast á fólk og kíkja uppí það. Fjölskylduna mína litlu læt ég samt ekki í friði. Enda er ég í fullum rétti þegar ég skipa þeim að gapa.

Brynjar er byrjaður að vinna aðeins. Hann er að þrífa í einhverju stórfyrirtæki niðrí bæ. Hann er svo lítið í skólanum á daginn að hann vildi þetta sjálfur. Sá misskilningur hefur látið á sér kræla að ég hafi sent hann útá vinnumarkaðinn, en það er rangt með öllu. Er ég eitthvað frek eða hvað?

Lítil frænka, tennur hvítar og sérsveitin

2008-09-24T17:09:00.004Z

Hér með óska hjónaleysunum Bubba og Margréti til hamingju með krílið litla og vona að allt gangi vel. Ég hefði átt að fatta að eitthvað var á seyði þegar kommenta kerfið hjá mér lá í 0 skilaboðum, dag eftir dag. Margrét er minn tryggasti lesandi og kommentari. Ég bíð spennt eftir fréttum Margrét!

Í dag vorum við að gera fyndið. Fyrir hádegi vorum við að leira meira. Nú hef ég komist að því að leirinn sem við erum að nota er postulín. Reyndar efni sem er náskylt postulíni. Það finnst mér merkilegt. Ég fékk aukaverkefni sem var að búa til "postulíns" stimpil með nafnini mínu á. Það eru ekki allir sem eiga svoleiðs. Þannig að bráðum get ég farið að stimpla út um allt. Þeir sem vilja fá sent póstkort með nafninu mínu stimpluðu á eru beðnir að panta í tíma.
Eftir hádegi vorum við svo að búa til TANNKREM. Við mölluðum saman alls kyns undarlegum efnum og enduðum svo á piparmyntudropum. Önbelívebúl, ekki satt?

Að síðustu vil ég nefna að sérsveitin var hér fyrir utan áðan. Eða allavega 4 löggur í skotheldum vestum. Ég bý í afar fínu hverfi en það eru hér 2 fjölskyldur sem eru kallaðir "sígaunarnir". Þau eru stjörnuvitlaus, öll sömul. Börnin hafa víst hrækt á önnur börn og eru með allskyns önnur dólgslæti. Foreldrarnir slá börnin sín og hrista svo manni er um og ó.
Nú er semsé löð-reglan komin inní íbúðina þeirra (þau eru ekki heima) og ég sá þá útá svölum að leita af einhverju undir blómapottum og í þvottinum á snúrunni.
Þetta finnst mér spennandi. Reyndar svo spennandi að ég er búin að brjóta saman allan þvottinn á heimilinu. Það varð auðvitað að gerast við gluggann.

Dásemdar Danmörk

2008-09-22T16:34:00.003Z

Við erum að farast úr gleði hérna í Danmörku. Við erum búin að kynnast fullt af skemmtilegu fólki, búin að kynnast betur því fólki sem við þekktum hér og erum búin að fatta að það er nauðsynlegt að fá stundum pínulitla heimþrá.
Ef ég má kvarta aðeins, mætti vera aðeins hlýrra. Reyndar má ekki vera mikið hlýrra því þá myndi ég ekki nenna vera í skólanum allan daginn. Þannig að þetta er allt fullkomið.

Í skólanum í dag vorum við að gera mjög óvænt og skemmtilegt. Hlut sem mér hefði
aldrei dottið í hug að við myndum gera í þessu námi. Það er reydnar alveg rökrétt, svona þegar ég er búin að gera hann. Það var nefnilega að LEIRA. Þá er ég að tala um að alvöru leira. Svona leira, eins og Margrét frænka leirar. Reyndar vorum við að leira nákvæma eftirsteypu af risa tönn. Svo fáum við að brenna tönnina og nota eitthvað efni sem líkist postulini.
Njömm njömm, hlakkar til...

Alveg finnst mér merkilegt hvað skólagjöldin eru miðað við hvað við erum að nota af efni. Fyrir þá sem ekki vissu, þá eru skólagjöldin 0 kr.

Heitir maður API?

2008-09-16T11:33:00.007Z

Hvað er eiginlega að manni? REM voru að spila hér síðustu helgi og maður lét það fara framhjá sér. Maður fór ekki á Roskilde og ekki á Breethers. Þegar maður býr á Íslandi er maður alltaf að missa af öllu og vildi óska sér að maður byggi í útlöndum, þar sem allt er að gerast - alltaf. Svo flytur maður til útlanda, þar sem allt er að gersat - alltaf og gerir ekki allt sem er að gerast afþví að tíminn líður svo hratt og maður getur ekki munað allt sem er að gerast.

Að sjálfsöður er ekki hægt að gera allt. Það er ekki hægt vegna þess að $ vaxa ekki á trjánum, maður þarf að hugsa um heimilið og skólann og þ.a.l. að fá nóga hvíld. Það næst ekki næg hvíld á tónleikum. Maður kemur heim um miðnætti eða síðar. Svo þarf að tjúna sig niður og svo liggur maður uppí rúmi með íl í eyrunum til kl 2-3. Maður er heppinn ef maður getur sofnað um það leyti.

Þeim sem vilja leggja sitt að mörkum til að ég geti gert allt, er vinsamlega bent á "gera allt, styrktarsjóðinn" minn er það mjög svo velkomið að slúnka eins og einum 20 kalli þangað í viku. En það verður að vera danskur 20 kall því að ég bý, jú í Danmörku.

Þetta er nú meira ruglið

2008-09-10T15:25:00.002Z

Nú er ég rasandi hissa. Í skólanum í dag vorum við að beygja vír, reyndar á sérstakan hátt og það var ekkert auðvelt. Til þess eigum við að fá 18 kennslustundir. Ég kláraði þetta eftir 3 kennslustundir en þá hafði flestum ekki tekist að beygja 1 vír í sporuskjulaga hring. Vírinn var allur orðinn krumpaður og skakkur hjá þeim greyjunum.

Ég held að danir séu ekki eins vel gefnir og við íslendingar. Ég sé það betur og betur á hverjum degi. Ég meina, sjáiði bara tungumálið. Þeir skilja ekki einu sinni hvern annan fyrr en eftir 5 bjóra. Ég er rosa góð í dönsku eftir 5 bjóra.

Ég var að yfirheyra skólafélaga mína um það hvað þau lærðu í grunnskóla. Þau fá 1 ár í sundkennslu og það er í 4. eða 5. bekk. Ég varð steinhissa á að heyra þetta. Eftir að hafa kannski gert soldið lítið úr sundkennslumagninu tilkynnti viðmælandi minn mér það að þau læsu bara meira í dönskum skólum. Ekki hefur mér sýnst það. Þau eru t.d. gapandi hissa á að ég kunni fingrasetningu og ég er látin pikka inn öll hópverkefni sem við gerum.

Krummi segir að í skólanum sé bara leikið sér og næstum ekkert lært. Nú erum við að fara af stað með lestrar og skriftar átak hér heima. Hann á ekki að verða jafn slakur og hinn meðal dani.

Það er til forrit sem talar dönsku. Maður skrifar bara eitthvað inn og ýtir á play. Einn kennarinn segir að 1.5 milljón dana skilji ekki það sem þeir lesa og þess vegna var þetta forrit búið til. Þeir eru víst ekki að skilja launaseðlana sína og svona. Það skilja ekkert allir íslendingar launaseðlana sína en þeir skilja samt orðin sem þeir lesa. Alveg finnst mér þetta ótrúlegt.

Áfram Ísland..

Vínarbrauðslengjur og danskar lengjur

2008-09-04T19:41:00.003Z

Hér flýtur allt í sykri. Danir virðast háma í sig heil ósköp af sætindum. Netto, matvörubúðin hér fyrir utan, er nánast full af gúmmelaði. Sælgætið vellur um hillurnar. Bakarí eru á hverju götuhorni. Unaðs ilminum sem leggur þaðan þarf bara að venjast. Trikkið er bara að byrja ekki að detta inní bakaríin, þá verður allt í lagi. Danskir tannlæknar hljóta að hafa það hellvíti gott. Tjah og kannski líka danskir tannsmiðir. Þá er kannski einhver vonarglæta að við komumst á samning hér.

Það er fleira sem ég hef tekið eftir við þá (hér eftir eru danir kallaðir "þeir"). Kvinnurnar hér eru risa stórar. Ég fæ næstum minnimáttarkennd stundum. Maður byrjar á að sjá skó og svo horfir maður upp og upp og upp og loksins sér maður hausinn, lengst fyrir ofan. Ég laumaðist til að mæla mig við eina mömmuna í Krumma skóla og ég náði henni uppí axlir. Ég hef reyndar aldrei þótt hávaxin en ég er samt enginn dvelli.
Ég vildi samt ekki vera svona í laginu, svona löng öll. Hugsa sér hvað það hlýtur að vera erfitt að finna skó á sig. Síðustu skór sem ég verslaði voru á útsölu í barnadeild og kostuðu heilar 49dkr. Og kjólarnir, hvað þarf mikið efni til að klára einn lengju-kjól? Og hvernig ná þær sér í kærasta sem er nógu hávaxinn?
Satt að segja þarf ég oft að kíkja 2x þegar ég sé svona lengju til að fullvissa mig um að þarna sé ekki klæðskiptingur (transformers) á ferð.

Meira af skóla

2008-09-02T17:39:00.003Z

Okkur gengur ofsa vel í skólanum enda er mikið fjör. Við erum búin að beygja víra, bræða gómaefni, búa til barbie heilgóma og fl. athyglisvert. Enn er ég vond í að tala dönsku en dúndur góð í að lesa og skrifa. Brynjar er líka allur að koma til.
Við erum búin að sjá muninn á hópunum okkar. Fyrir þá sem ekki vissu er ég í 20 vikna fornámi en Brynjar í 30. Munurinn er semsagt sá að ég er meira í skólanum hvern dag. Allavega næstu 5 vikurnar.

Krummi kvartar undan því að í leikfimistímunum í hans skóla eru allir strax reknir úr sturtu og að stelpur og strákar eru með sama búningsklefa. Það finnst mér reyndar soldið spes. Hvenær ætli þessum grísum sé skipt upp í stelpu og stráka? Ég reyni að hughreysta og segi að hann hafi hvort eð er oft komið með mér í kvennaklefann í sundi. Honum finnst þetta samt skrítið.
Hann er alsæll á frítíðs heimilinu eftir skóla og þegar ég sæki hann er hann oftast fúll yfir að vera rifinn í burtu fra fjörinu.

Helgin

2008-08-28T07:06:00.003Z

Þegar ég bjó á Íslandinu góða, þurfti ég að horfa uppá veðurkort Félagsbúsins í gríð og erg. Ég lýg ekki þegar ég segi að ég hafi verið græn af öfund. Nú er röðin komin að mér. Ég er enginn rosalegur montrass en ég verð bara aðeins. Sérstaklega þegar ég er búin (og er að fara) að missa af svona miklu á Íslandi síðan ég flutti. Það sem mér hefur fundist öfundsvert er t.d.
-Unglist
-Ól/Handboltafjör
-Ættarmót
-Tilvonandi réttir og böll
Einhvernvegin fannst mér vera miklu fleira sem ég væri að missa af... Mér er svosem engin vorkun því hér er búið að vera stanslaust stuð.
Hér koma kortin. Ekki kíkja á rigningardagana - bara sólar. Það gerum við alltaf.

Hver vill koma í heimsókn um helgina? Sá hinn sami fær þó enga þjónustu, eða allavega litla, vegna fyrirhugaðra sólbaða.

Restart

2008-08-27T08:29:00.004Z

Nú get ég loksins sagt að ég hafi tíma til að gera annað en eitthvað sérstakt, þ.e.a.s. að blogga. Ég held að internetið sé komið í lag og allt. Það er búið að vera algjör horror.

Ég er svo hrikalega vel gefin að ég þarf ekki að mæta í skólann í dag. Ég mæti næst kl 11,45 á morgun. Það er reyndar bara vegna þess að ég er búin með það sem hinir eru að læra núna. Annars gengur skólinn afar vel og við erum hætt að vera jafn örmagna eftir skóladaginn eins og við vorum fyrst. Það tekur sko á að vera í nýjum skóla, með nýjum nöfnum og með nýtt námsefni á nýju tungumáli.
Nú er ég fegin að hafa tekið eftir í dönsku í Grunnskóla Hvammstanga. Reyndar lærðum við bara að lesa hana og skrifa en það dugar til að byrja með.
Margt að læra en við förum ekkert að skæla því það rímar.

Krummi er alsæll í sínum skóla. Hann er með Gumma í bekk. Þeir eru saman allan daginn, bæði í skólanum og í gæslunni á eftir. Samt heyrist mjög oft: "má ég fara heim með Gumma?" eða "má Gummi koma heim með mér?". Svo er leikið sér eins lengi og lög leyfa. Þeir fengu að leika sér í gær og ég held það sé ánamaðkur hér úti á svölum núna. Hann er ekki á mínum vegum. Hann á heima í boxi og hjá honum er mold og gostappi með vatni í. Ég veit ekki hvort ormurinn á að baða sig eða drekka. Kannski er hann farinn að heimann því það var ekkert lok. Ég var ekkert að láta þá vita að lok gæti verið gæfulegt. Þeir þurfa að læra, ekki satt?

Ég hef ekki enn keypt mér myndavél svo það er engra mynda að vænta strax á þessari síðu. Ég vona samt að nettengingin haldist góð svo ég geti skrifað reglulega. Það er allavega búið að restarta síðunni...

Allt að smella

2008-05-31T20:31:00.002Z

Við erum búin að vera á fullu í niðurpakki, sorteringum og þrifum. Búin að fara margar ferðir á sorpu og búin að raða þétt í geymsluna. Stofan okkar er hálf tóm en þó er hér myndarlegur kassastafli sem á að fara með til Danmerkur. Brynjar flýgur út á þriðjudagsmorgun en við Krummi förum viku síðar. Við verðum síma og internet laus frá miðnætti í kvöld en það verður hægt að ná í mig í gsm til brottfarar. Þið sem eruð að hugsa um að flytja milli landa skuluð hafa mikið meiri fyrirvara en við því þetta er massa vinna. Við erum dauðþreytt og erum ekki búin. Reyndar erum við líka búin að brasa fleira en þetta því við vorum að skipta um gler og flota svalir og eitthvað fleira fjör. Ekkert væl samt. Þetta gæti verið verra. T.d. ef við byggjum á jarðskjálftasvæðinu ógurlega þá væru kassarir okkar og innihald þeirra sennilega útum allt í dag. Það er samt allt útum allt en það er bara okkur að kenna.
Það sem er líka ófrágengið er að bíllinn er óseldur og íbúðin óleigð. Það er samt einn náungi að koma að skoða á morgun. Sá talar svo hraða og skrítna ensku að ég átti mjög erfitt með að skilja hann í síma. Vonum bara það besta.
Ef einhvern vantar góðan bíl sem kemst uppí mikið og er nýbónaður og skoðaður og með nýja bremsuklossa og diska, þá er velkomið að hafa samband.

Stúss og stress

2008-05-09T18:08:00.002Z

Í dag er mikið búið að gerast.
- Seldi þurrkarann minn fyrir 15.000 kall.
- Fékk íbúð í Heklu húsum. Við verðum nágrannar Kristínar, Helgu og fjölskyldna. Þetta er dýrindis endaíbúð á 4. hæð (talið í íslenskum hæðum). Við fáum hana ekki fyrr en 15. júlí svo við verðum á dönsku götunni þangað til þá.
- Kona hringdi útaf íbúðinni í Furugrund og ætlar að skoða í kvöld eða um helgina.
- Hrafn fer í belta próf í fyrramálið og nær sér í "tvær gular rendur" beltið.

Pró-hóf

2008-05-06T22:28:00.002Z

Ég gæti þess að læra hóflega undir prófin. Það er ekki vegna þess að ég er gáfuð heldur finn ég mér alltaf endalaust eitthvað annað að gera.
Ég bakaði köku í dag og þvottakarfan er galtóm.
Þarf að segja meir?

Skole på

2008-05-05T21:16:00.002Z

Ég fékk kvörtun yfir því fyrir stuttu að ég væri ekki búin að segja öllum frá því að við Brynjar erum bæði komin inn í tannsmíðina. Þetta var löng setning en þá er það komið á hreint. Okkur vantar bæði leigjanda hér og íbúð í Köben. Við höfum fulla trú á að það reddist þegar svífandi álfadís flýgur yfir okkur og stráir á okkur töfrastjörnum.

Los hospitalos

2008-05-03T22:58:00.002Z

Síðasta mánudag hugsaði ég með mér hvað hann Hrafn gæti verið endalaust dramatískur. Honum var svo illt í fætinum og kaus að hoppa um allt. Ég sá ekkert athugavert við fótinn svo ég hélt kannski að hann væri bara með strengi eftir nýliðna axjon helgi. Daginn eftir var hann enn verri og gat alls ekki stigið í fótinn. Eins og almenninlegri móður sæmdi, dreif ég hann uppá slysó. Enda ekki hægt að senda hann í skólann á einarari löpp. Þegar þarna var komið við sögu fann ég fyrir svolitlum móral að hafa hugsað með mér hvað hann væri mikil dramadrottning en sem betur fór hélt ég mér saman um það allan tíman. Nú er ég að opna mig, sko.
Það var frábær doktor/hjúkrunarkona sem sá um hann og sá strax að það væri eitthvað grumsó með mjaðmarliðinn hjá honum. Hún sendi hann í öll möguleg test. Honum var tryllað á milli hæða í hjólastól. Það var gríðarlegt sport og hann var svo sæll og glaður með stólinn að hann brosti allan tímann og var alltaf að blikka mig. Hann fór semsagt í rönken, ómmyndatöku, blóðprufu og streptococca sýnatöku.
Útkoman var að hann var með vökva inní mjaðmaliðnum sem orsakaðist af vírus. Þetta kemur víst fyrir og enginn veit afhverju.
Seinna sama dag krafðist hann að fara á vorhátíð 1. bekkjar sem ég leyfði honum og daginn eftir fór hann í skólann. Daginn eftir var hann orðinn eðlilegur í fætinum.
Undarlegt...

Með allt á hreinu

2008-04-28T17:12:00.004Z

Ég þurfti að svara getraun í dag.

Hrafn spurði mig hvort ég héldi að hann ætlaði að hafa konu eða ekki þegar hann flytur. Þá er hann að meina þegar hann flytur að heiman.

Auðvitað sagði ég "já, þú ætlar að eiga konu svo þú verðir ekki einmanna".
Það var aldeilis rangt svar.
Hann sagðist ekki ætla að hafa konu því hann vill bara fá að vera í friði.

Fedde Cox og Carl Le Grand

2008-04-13T03:07:00.001Z

Nú eru vandamál. Hvorn á að velja?
Það er ekki meira um þetta að segja í bili.

ÁLAG - ÁLÖG

2008-04-04T10:09:00.002Z

Það hvíla á mér álög. Þegar ég er undir álagi sest ég stundum bara niður og fer að gera eitthvað sem ég á ekki að vera að gera. Til dæmis er ég að blogga núna og ég á að vera að þrífa, redda boðskortum, baka afmælisköku, græja pappadiskum og afmæliskerti, fara í Bónus og fleira sem venjulegt fólk gerir þegar það þarf að halda 26 manna barna afmæli. Já, þú ert að lesa rétt kæri lestrarhestur. Ég þarf að skipuleggja þetta vel því litla stofan mín tekur ekki 26 í sæti. Ég þarf summsé að hafa þetta þrískipt. Bekkjabræður mæta kl 12-14, holl 2 kemur kl 14-16 og svo rest eftir það.
Ekki veit ég hvað ég á að gera við bekkjabræðrahollið sem inniheldur 10 vaska 7 ára polla. Vonandi verður gott veður svo það sé hægt að henda þeim út í fótbolta bara. Kannski ég geti þá virkjað íþrótta Serbann í skiptum fyrir súkkulaðikökubita. Kannski vill hann bara þriggjakorna samloku með osti.

Nattenvakten

2008-03-25T08:14:00.002Z

Rosalega sváfum við Brynjar illa í nótt. Það var ekki gaman að rífa sig upp í morgun og ég sem átti eftir að græja skólatöskuna og allt. Ég druslaðist á fætur og græjaði mig, endaði á skólatöskunni. Þegar ég fletti upp á réttum degi í skóladagbókinni kom ég auga á að ég er víst enn í páskafríi. Ég á ekki að mæta fyrr en á morgun. Mér líður aulalega núna.

Flutningur

2008-03-19T12:23:00.002Z

Nýjast í fréttum er það að við vorum að sækja um skóla í Danmörku. Við Brynjar eigum okkur bæði gamla drauma um að vera tannsmiðir. Einkennilegt fjölskylduáhugamál. Ég held að við eigum efitr að mala þennan skóla því að við erum bæði svo djéskoti föndurgjörn.
Ég fór til tannlæknis um daginn. Ég er enn hjá Engilbert. Hann spyr alltaf frétta og ég sagði honum hvað ég var að spá í að læra og hann varð allur hinn kátasti með það. Hann hefur hjálpað mér alveg helling. Í gær sendi hann mig á fullkomnasta tannsmíðaverkstæði íslands og þar urðum við algjörlega fullviss um að þetta væri það sem við vildum læra. Ég held að þetta sé auðvelt nám ef maður hefur þolinmæði og gott auga fyrir formi og litum. Vííí hvað þetta verður gaman.

Við erum búin að segja Krumma frá þessu og hann er allur hinn glaðasti með þetta.
Flutningstími er áætlaður um 1.-15. júní. Þetta er ekki allt komið á hreint. Við eigum eftir að fá húsnæði og inngöngu í skólann.
Vill einhver kaupa þvottavélina okkar á 15.000 kall? Flest allt annað er líka til sölu. Nema rúmin..

Á fullu í fútti ef fútt skyldi kalla

2008-02-22T21:42:00.006Z

Það er búið að vera galið að gera í skemmtanalífinu. Við erum búin að fara á tvær árshátiðir síðustu helgar. Mín árshátið vann í flottheitum en Brynjars vann í eftirpartý fjörheitum. Þeir sem vilja nánari útskýringar verða bara að panta viðtal.

Það er allt gott að frétta af líkamsræktarmálum mínum. Allavega núna.
Brynjar lætur mig alltaf lafa á leiðindar hlaupabretti. Ég er búin að mótmæla því mér finnst ekkert fútt í því. Hann var veikur í síðustu viku og ég nýtti mér það til að óhlýðnast honum. Það fór ekki vel. Þrátt fyrir viðvaranir Brynjars, smellti ég mér í fjörtíma í Laugum. "Shape" varð fyrir valinu. Textinn við þessa tegund af fjöri er eftirfarandi:

Byggðir upp líkt og Bodyshape tímarnir. Hér færðu styrktar og vaxtamótandi æfingar með Bodybar stöngum og handlóðum ásamt Peak Pilates æfingum, góðar teygjur í lokin. Þetta er tilvalinn tími fyrir þig sem ert að leita eftir að tóna líkamann án þess að vera að stækka vöðvana. Einnig góður tími til að byrja á ef þú hefur aldrei prófað áður eða ert að koma þér aftur af stað í heilsuræktinni.

Eins og vitleysingur hélt ég að ég flokkaðist undir þessa ágætu skilgreiningu sem er að finna í síðustu setningunni.
Pfffh... það var nú aldeilis annað. Ég vældi næstum af sársauka þegar þjálfara pjakkurinn var búin að murka úr mér allan lífsvilja. Ég drullaðist samt til að klára hellvítis tímann. Ég ætlaði sko ekki að vera neinn aumingi með hor og slef. Að vísu skammaðist ég mín allan tímann fyrir að vera með lang léttustu lóðin allan tímann en hafði þó vit á að "ofreyna" mig ekki. Ég hef aldrei upplifað eins mikinn vöðva skjálfta og eftir tímann varð ég hreinlega að fara í sturtu. Annað var ekki í boði. Ég þefaði til að tékka á því. Ef ég hefði verið ein í kvennaklefanum hefði ég sennilega skriðið í sturtuna. Eða jafnvel bara sett þumalinn uppí munninn og lagst í fósturstellingu inní einn skápinn en ég harkaði af mér enn aftur. Þegar í sturtuna var komið náði ég með herkjum að slurpa sjampóinu í lubban á mér, skola úr, þurrka, klæða og hunskast heim. Þið sem hélduð að ég hafi farið heim að sofa eða slappa af skulu éta það oní sig undir eins því þetta var einmitt dagurinn sem árhátíð Byko var. Nú tók við að slétta hár, græja kjól, finna sokkabuxur, mála og æfa fótatökin á nýju háhæluðu stigvélunum sem ég hafði ekki treyst mér til að fara í út fyrir hússins dyr vegna þess hve háir þeir eru. Til að gera langa sögu stutta þá gékk þetta allt vel og ég náði að ganga eðlilega allt kvöldið. Mér varð það reyndar á að dansa aðeins til að rústa fótunum alveg. En það reddaðist því við fórum fljótt heim í eftirpartýið góða.

Ojjjj mig auma

2008-02-08T15:24:00.000Z

Ég læt blogg dagsins byrja á hinum uppörvandi orðum "mér leiðist".
Í dag er ég veik og það er aldeilis leiðinlegt þar sem ég er að fara á árshátíð á morgun. Í tilefni þess pantaði ég mér tíma í klippnigu á mánudaginn. Gallerý gel varð fyrir valinu. Ég held að það sé hip og cool stofa en ég mun reyna að reikna hana út þegar ég mæti. Ef mér lýst ekki á blikuna ætla ég að fá mér þessa hefðbundnu skotheldu klippingu sem ég er búin að vera með síðan alltof lengi. En ef mér lýst vel á aðstæður og ber fullt traust til skærahaldara ætla ég að láta gera eitthvað svoooo villt að vinir og vandamenn eiga eftir að fá higgsta þegar þeir sjá mig. Mér finnst ég alltof fastheldin og rög þegar kemur að klippingum. Ég ætla að reyna að brjótast útúr því núna. Ég mun stunda útúrbrot.
Skál fyrir því.

Vona þetta verði betra en síðast

2008-02-05T12:02:00.000Z

Fyrir soldið mjög mörgum árum keypti ég mér árskort í World Class. Keyptir voru dýrindis skór á einhverju fínu tilboði. Reyndar mynnir mig að ég hafi keypt þá helst til of litla og að þeir hafi lítið sem ekkert verið notaðir. Ég valhoppaði þangað (reyndar held ég að ég hafi keyrt þangað með sígarettu lafandi úr kjammanum) og ætlaði aldeilis að fara að hreyfa mig. Handa skanninn sem var notaður sem inngangsmiði þá, var eitthvað bilaður og þegar gellan í afgreiðslunni var loksins að verða búin að græja þetta þá var klukkan orðin svo mikið að ég þurfti að fara eitthvað annað. Allavega... þangað mætti ég aldrei. Afleiðingarnar voru skelfilegar. Mamma var alltaf að veifa framaní mig skónum fínu og Bjöggi með eitthvað óþolandi Bjögga-grín.

Nú hef ég aftur talið mér trú um að öllum sé hollt að hreyfa sig og ég keypti mér annað árskort í tilefni þess. Ég er búin að fara einu sinni. Merkilegt hvað sporin geta verið þung í ræktina. Brynjar benti mér á að þau væru töluvert þyngri fyrir þá sem eru 100 kíló og við það hætti ég að væla.
Efitr tímann fann ég hvað ég var dúndur fersk öll og get ekki beðið eftir að komast næst.

Meira af útlending

2008-01-31T22:06:00.000Z

Jæja rasistar og aðrir útlendinga hatarar. Spurningar og vangaveltur hafa dúndrast hér inn og ég reyni mitt besta til að svara þeim.

Hann hefur ekki enn eldað því að hann er ekki fluttur inn.
Hann reykir ekki og drekkur ekki kaffi. Vona samt að hann fari í sturtu.
Hann er víst ekta. Það er búið að fletta honum upp.
Hann þarf ekki að redda miðum á völlinn þar sem mér leiðist fótbolti.
Hann er ekki að spila með Ólafsvíkur Víkingi en sögur segja að hann hafi verið í láni hjá Hvöt.
Rétt upp hönd sem vita hvar það lið er...

Herbergis...

2008-01-23T14:11:00.001Z

Við erum komin með leigjanda í kjallara herbergið. Sá er íþrótta Serbi sem ég veit ekki hvað heitir því hann talar svo bjagaða ensku.
Ég vænti þess að íþrótta Serbar séu góðir leigjendur. Enda alltaf í íþróttum og reykja ekki. Hann segist vera að spila fótbolta með Víking en ég kíkti á heimasíðu Víkings og ég sá hann ekki þar. Kannski hefur íþrótta Serbinn dulbúið sig í íþróttaföt svo hann gæti logið fótboltasögunni til að hann væri líklegri til að fá herbergið.
Kannski er þetta svika Serbi eftir allt saman. Mér er svosem sama þó hann sé svika Serbi ef hann borgar leiguna og verður til friðs.

Jens er byrjaður að mæta aftur

2008-01-17T23:22:00.000Z

Já, meira af skólalífi. Uppáhaldstímarnir mínir eru án efa ísl 202 þar sem ég er líklega eins og geimvera innan um 16 ára unglingana. Skemmtilegast þykir mér þegar strákarnir eru að blaðra saman og kennarinn verður reiður við þá. Þá hrópar hann og spyr hvernig standi á því að þeir þurfi að blaðra í miðjum tíma þegar hann er að reyna að kenna. Hann vill ekki "hafa þetta"...
Jens situr ekki við hliðina á mér lengur. Ég hef ekki séð hann en kennarinn hefur samt lesið hann upp og Jens jankað. Hann situr líklegast aftast útí horni en ég er hinsvegar á næst fremsta borðinu. Eins og gamalmenni eiga til. Enda farin að sjá illa.
Í dag sat ég við hliðina á afskaplega áhugalausri stelpu. Hún var jafn lítil og mjó og fyrrgreint áhugaleysi hennar. Annars finnst mér óskapleg tímasóun að lafa í þessum tímum og ætla að reyna að díla eitthvað við kennarann. Sjáum hvað ég fæ á stafsetninga prófinu á morgun.

Bekk tú skúl

2008-01-13T02:53:00.002Z

Skólinn er byrjaður og allir í fíling. Það er búið að vera galið að gera hjá mér því það er uppgjör í vinnunni. Reyndar er ég hætt í þessari vinnu en ætla eitthvað að aðstoða þegar þess þarf. Ég hef verið að mæta kl 8 í skólann og farið svo beint í vinnuna og verið það til kl 8 á kvöldin. Enda er mikið búið að geispa síðustu nokkra sólarhringa og þannig verður það næstu vikuna.
Skólinn er fínn og ég er ekki elst.
Kennararnir eru fínir. Einn er vel bústinn og talar eins og veðurfræðingur. Sá hefur mikinn áhuga á hverskonar sýklum en er alveg laus við að vera svalur. Sennilega er það ástæðan fyrir því að hann er svona skondinn. Kominn í nörda hring. Svo er það ólétta líffræðikennslukonan sem talar í belg og biðu og skrifar litla skrifstafi á töfluna sem er erfitt að skilja. Mér finnst hún ekki skemmtileg en það er samt gaman að fylgjast með henni. Hún er rosalega ófríð og ég hef spáð aðeins í því hvaða ólánsami maður vildi gera hana ólétta. Henni er alltaf heitt og hefur alla glugga galopna eins lengi og boðlegt þykir og jafnvel aðeins lengur. Nóg af fersku lofti þar á ferð.
Skólafélagar mínir eru af öllum gerðum. Fyrstu vikunni eyddi ég í að skanna líðinn úr fjaska. Þarna eru bólugrafnir unglingar, ábyrgðarfullar mæður og einhverjar ömmur á stangli. Svo eru nýbúagengi og hópur af fjörkálfum sem skondra um í mesta sakleysi.
Eftir eina viku í skólanum sé ég strax afföll í tímum. Minnir óneytanlega á sjálfa mig þegar ég var 16-18 ára. Ræðum það seinna. Ég tók sérstaklega eftir því að hann Jens sem sat/svaf við hliðina á mér í fyrsta íslensku tímanum hefur ekki látið sjá sig meir. Reyndar var ég búin að spá því að þannig færi. Sá er afar mjór og er varla kominn á bílprófsaldur.
Þetta er í stuttu máli mikið fjör og ég stefni á persónulegt dúx, ef það er til...

Fagurt er ferlíkið

2007-12-27T21:19:00.002Z

Þá er komið að því...

Loksins er hann falur...

Svarti lazy boy-inn verður seldur hæstbjóðanda á næstu dögum.
Skrímslið er 2ja sæta og skartar svörtu leðri um sig allt.
Hægt er að beygja það og sveigja og lufsast í því daginn út og daginn inn.
Ég myndi skutla inn mynd ef myndavélin væri ekki týnd.

Áhugasamir hafi samband við húsfreyjuna eftir einhverjum sniðugum krókaleiðum.

Klikkað á kortum

2007-12-25T02:44:00.000Z

Nú halda lesendur eflaust að ég sé að fara að skrifa um kreditkortaflipp í tilefni jólanna. En svo er nú aldeilis ekki.

Þar sem við skötuhjúin vorum í útlöndum og tímalítil með einsdæmum þessi jólin sendum við nær engin jólakort. Auðvitað fékk Dússinn okkar eitt og Hjörvar annað. Þá held ég að það sé upptalið. Hér með sendi ég rafrænar jólakveðjur til ykkar sem ég er vön að senda kort og allra hinna sem eiga það skilið.
Reyndar eru sárafáir sem lesa þetta blogg. Ég held að það sé bara mamma (hæ mamma) og Bjöggi (hæ Bjöggi) þegar hann nennir og kannski örfáir í viðbót. Þeim heilsa ég ekki nema þeir kvitti fyrir sig.

Sjáið hvað ég náði að klína kortaleysinu á útlandaferðina. Ég á alveg að kunna að skipuleggja. Enda komin af Cyrusar ættinni góðu og dóttir Helgu Skipulagshans.

Hvað hef ég geeeeeert?

2007-12-21T11:50:00.000Z

Ég held ég hafi leikið minn heimskulegasta leik nýlega. Þannig er mál með vexti að við höfum alltaf ætlað að kaupa gítar fyrir Krumma því hann segist hafa áhuga á að læra á svoleiðis. Og sögur segja að krakkar sem fá bæði að vera í íþróttum og tónlist séu betur undirbúin fyrir lífið, kunni að skipuleggja sig betur og séu öflugri námsmenn. Það hefur ekki verið hægt að fá almennilegan barna gítar hér á íslandi lengi en við fundum notðan gítar í Alecante og keyptum hann á 40 evrur. Hann er víst mjög góður. Gleðin var þvílík að fá gripinn og hann glamrar á þetta allan daginn. Hann er meira að segja búinn að draga fram bók sem hann á sem er með nótum og textum og þykist vera að pikka upp nóturnar. Ó mig auma, nú er ég með tvær spilamýs á heimilinu...

Annars er Krummi nýbúinn í beltaprófi í Teakwando er kominn með eina "gula rönd".

Heimilisaðstæður eru orðnar þannig að þegar hann er ekki að æfa sig í spörkum og kílingum er hann að glamra.

Af prófum og útlöndum

2007-12-19T15:05:00.000Z

Ég náði öllum prófunum með sóma(samloku). Og aulahúmor gefur gull í mund.
Útlönd fjalla ég betur um síðar en þar er ég nú.

Fríið nálgast

2007-12-10T11:09:00.000Z

Ég er að læra fyrir síðasta prófið. Mæting í það er eftir 3 klst. og 45 mín. Vandamálið er bara að ég get ekki einbeitt mér. Ofnakerfið í húsinu er bilað og það syngur í öllu dótinu. Bryjar flýgur til Barcelona í dag og ég virðist ætla hugsa fyrir hann, óumbeðin. Held það sé í ættinni að halda að allir í kringum sig séu vanfærir um að muna efitr öllu og gera allt rétt og mæta á réttum tíma. Svo er ég að hugsa um vinnuna. Ég veit að þar eru hrúgur sem þarf að afgreiða.

Góðu fréttirnar eru þær að ég náði Lol 103, sem er fjandi erfitt fag. Ég veit nú ekki afhverju ég að skrifa það hér þar sem ég er búin að gaspra það útum allan bæ. Ég varð svo ægilega glöð að ég varð að láta sem flesta vita á sem skemmstum tíma.
En... til hamingju ég.

Spennandi spenningur

2007-12-07T09:13:00.000Z

Jæja, apakettir. Nú fer að styttast í síðasta prófið sem er á mánudaginn. Ég á bara eftir að lesa námsefni vetrarins og gera 2 skilaverkefni. Sem betur fer er Krummi að fara að höggva (eða reyndar bara að saga) jólatré með Bjögga á sunnudaginn svo að þar fæ ég últra góðan frið. Svo er stráksi í Taekwando á föstud. og laugardag og þá get ég líka lært helling. Á þessu heimili er hver mínúta skipulögð. Stefnan er svo að henda öllum út þegar það er hægt.

Brynjar og Pési fljúga út sama mánudag og ég er að fera í síðasta prófið og svo lufsast á eftir þeim, 2 dögum síðar. Mér til ógnar og skelfingar sá ég að hitastigið er eitthvað að fara að hrapa þarna neeeðurfrá. Þá kaupi ég mér bara eitthvað hlítt til að vera í. Ég nenni ekki að taka neinn farangur með mér. Þetta er ég líka búin að skipuleggja. Það sem fær að fara með eru náttföt, nærföt og helstu hreinlætisvörur. Svo tek ég auðvitað tóma ferðatösku með.
Ég er samt ekki að fara í einhvern verslunarleiðangur. Þetta verður meira bara afslöppun og skemmtun með búðaráps ívafi. Svo ætla ég líka að gera eitthvað sólarstrandarlegt.
Wam, bam, búm, það eins og ég ætli að vera þarna í mánuð..

Brand dari og sleik jóar

2007-12-05T09:45:00.000Z

Ég er viðkvæmur, sköllóttur maður og með staurfót. Ég fékk boð fyrir nokkrum vikum um að mæta í partýið í kvöld hjá drottningunni. Þar sem öll partý hljóta að vera grímuböll ákvað ég að mæta þannig tilhafður en...mér datt enginn grímubúningur í hug, svo ég ákvað að skrifa bréf til búningaleigu einnar og fá hjá þeim tillögur að búningi sem gæti falið á mér skallann og staurfótinn.
Nokkrum dögum seinna fékk ég tölvupóst:

Kæri herra,
Við leggjum til að þú farir sem sjóræningi. Sjóræningjahatturinn kemur til með að fela á þér skallann og með staurfótinn lítur þú alveg út eins og sjóræningi.

Mér fannst þetta satt að segja hræðileg móðgun, þar sem þeir höfðu talað um að nýta fötlun mína í búninginn. Þess vegna settist ég niðurog skrifaði frekar harðort kvörtunarbréf til búningaleigunnar. Viku seinna fékk ég svar, annan tölvupóst:

Kæri herra,
Afsakaðu þetta með staurfótinn. Ef við hefðum vitað að þetta væri svona viðkvæmt, þá hefðum við strax lagt til að þú færir sem munkur. Munka kufl er svo síður að hann felur staurfótinn og með skallann, þá lítur þú alveg úteins og alvöru munkur.

Núna varð ég alveg brjálaður. Skítt með staurfótinn, en að ætlast til að ég myndi nota skallann á mér sem hluta af búningi tók alveg steininn úr. Því skrifaði ég núna virkilega harðort kvörtunarbréf til bölvaðrar búningaleigunnar.

Daginn eftir kom einn tölvupósturinn frá þeim:

Herra,
Finndu stóra fötu af karamellu. Helltu karamellunni yfir sköllóttan hausinn á þér, stingdu staurfótnum upp í rassgatið á þér og farðu sem sleikipinni!

Talandi um sleikjóa. Fyrir áhugasamar fjölskyldur, já eða einstaklinga sem fá ekki nóg af því að stússast í eldhúsinu... en hér er heimasíða fyrir ykkur. Ég mæli samt með einhverju öðru tómstundargamani. Grunar að allt verði undirlagt í klístri og viðbjóði eftir lollípopgerðina.

Þetta er bara svo endalaust sniðug mynd

2007-12-04T12:51:00.000Z

Þetta er semsagt Dígó, eða Tígó eins og við Brynjar vildum kalla hann.

Eins gott að standa sig..

2007-12-04T12:32:00.001Z

Þessi var tekin af Krumma á flugvellinum þegar hann var að fara aaaaaleinn til Danmerkur í sumar.

Ég er búin að senda skammir á alla MySpace vini mína vegna þess að enginn kommentar hér. Þannig að það er eins gott að það sé eitthvað hér til að fólk geti kommentað yfir.
Nýjasta nýtt í náminu er að ég hef tekið þá ákvörðun að halda áfram í tanntækni og ætla að taka stúdentinn með. Svo ætla ég að sækja um í tannsmíði og viðskiptafræði á hverju sumri. Sú deild sem tekur mig fyrr inn, græðir. Sem verða vonandi tannálfarnir í Tanngarði.
Við erum farin að finna fyrir tekjuminnkun eftir að ég minnkaði vinnuna. Skrítið að þurfa allt í einu að fara að spara og spá í hvað maður er að kaupa. Ég ætla samt ekki að spara neitt sérstaklega á Spáni þó ég sé með innbyggða verðvakt. Innbyggðu vaktina er hægt að lama með sérstakri tækni (sem ég ætla að gera í þessa 7 daga). Þetta er svipað og að ganga um með eyrnartappa. Þeir sem vilja reyna þurfa að hanna lömunina sjálfir því það eru engar útskýringar til á þessu.

Þessi klipping kom með sumrinu - og fékk svo að fjúka

2007-11-30T22:28:00.000Z

Námsverðlaun eða afsökun

2007-11-29T09:51:00.000Z

Nú á ég að vera að læra. Ég er að fara í fyrsta prófið eftir tæpa viku og á margt eftir að gera. Getur einhver sagt mér afhverju ég hunskast ekki í það mál?
Allavega ætla ég að ná öllu með miklum sóma því ég er búin að fyrirfram verðlauna mig. Við erum á leið til Alecante 2 dögum eftir próf. Eins gott að ég þurfi ekki að taka sjúkjapróf.
Reyndar gaf Bjöggi mér þessa ferð í afmælisgjör í fyrra, afmælisgjöf núna og jólagjöf núna. Ég þakka þér pent, Björgvin.

Takið eftir því hvað Alecante er mikið sunnar en Barcelona. Það munar 2-4°C á þessum tíma. Núna er ca 15°C á daginn og mér líkar það. Enda erum við bæði að drepast úr skammdegisþyngslum þessa dagana.
Meira um þetta síðar. Ég þarf að fara að læra líffæra- og lífeðlisfræði.

Rétt til skemmtunar svona í lokin.

Who Should Paint You: Salvador Dali

You're a complex, intense creature who displays many layers.

There's no way a traditional portrait could ever capture you!

What Artist Should Paint Your Portrait?

Krummi á festivali í Hesbjerg í sumar

2007-11-27T09:25:00.000Z

Hver er hér, hér, hér...

2007-11-27T08:59:00.001Z

Jæja, nú ættu aðeins hörðustu lesendurnir að vera efitr og ætti að vera orðið óhætt að skrifa aðeins. Þetta er samt ekki tilkynning um að hér sé að fara af stað ofsafengið blogg með nýju lúkki og ferskustu straumum.
Tökum bara einn dag í einu eins og alkarnir.

Ég vil byrja á að óska Ársæli og Evu til hamingju með litla guttann. Hann er rosa sætur. Hann er kominn með nafn og allt. Hann heitir Alexander Örn Heiðberg.

En víkjum nú sögunni aftur að mér....

Það hefur ýmislegt drifið á daga mína (þessa örfáu daga síðan síðast). Ég hunskaðist í fjarnám í haust og það gengur bara ofsa vel. Námsþroskinn er allavega gríðarlegur og ég vil fá 10 í öllu. Fékk 9 í fyrsta verkefninu og var ekkert ofsakát. Ég var nú samt ekkert fúl með þetta en það fyrsta sem ég hugsaði var að ég hefði alveg getað fengið 10 ef ég hefði ekki fallið á tíma. Það eru aldeilis breyttir tímar.

Skólann fíla ég svo vel að ég er búin að segja upp í vinnunni og hætti eftir 3 daga. Fjáramálastjórinn, deildarstjórinn og sviðstjórinn reyndu að múta mér með kauphækkun og fögrum orðum en mér finnst mikilvægara að mennta mig.
Ég er semsagt að fara í dagskóla eftir áramót. Ég er að fara í tanntækni, sem er aðstoðarmaður tannlæknis. Ég hef svosem lítinn áhuga á að læra það en ég er bara að auka líkurnar á að ég komist í tannsmíði. Ég sótti um í tannsmíði í sumar en fékk ekki inngöngu. Það eru bara 3 teknir inn á ári.

Újeee, ég sé að forsvarsmenn blogger.com hafa tekið upp á því að koma með "autosave" fídus svo að fólk eins og ég fái ekki ógeð á að blogga hjá þeim því það á allt til að strokast út þegar maður er búinn að skrifa langræður miklar. Það var reyndar aðalástæða þess að ég hætti að blogga á sínum tíma.

Allt að verða reddí

2006-12-10T22:52:00.000Z

Ég er búin að vera óð í dag. Bæði geð óð og pökkkunar óð. Ég er loksins búin að taka allt sem kemst fyrir í kössum og rusla því suður. Nema auðvitað kassa hrúguna í bílskúrnum hjá mömmu. Planið er að tína það yfir heiði eftir eyranu. Ég er meira að segja búin að færa stofuhillurnar, þvottavélina og þurrkarann í forstofuna hjá Dóra og svo klæddi ég þetta í dírindis plöst, teppi og fleira lauslegt. Nú vantar bara flutningabíl og jólaskraut í nýju íbúðina.

30 og klikkuð kannski?

2006-11-24T22:08:00.000Z

Sambýlingurinn kom heim í gær með 42" plasma. Það var plöggað og svo var glápt. Ég var svo agndofa að ég horfði á allt það rusl sem fyrir fannst. Hér kemur gott dæmi um það..

Sykursætir, hommalegir, brunkukremssprautaðir og með of hvítar tennur sprönguðu þeir um sviðið - stundum í fötum en stundum á nærbrókunum einum fata. Hallærislegast af öllu var þegar sumir þeirra (sennilega þeir sem voru með mestu minnimáttarkenndina) hnikluðu ofvaxna vöðva sína framan í dáleidda áhorfendurna.
Ég hrökk við þegar ég fattaði að ég var orðin límd við skjáinn og var farin að "halda með" einum gæjanum. Sá var ekki eins pussulegur (ekki orð mamma) og restinn. Hann komst ekki einu sinni í úrslit. Mér var sama og fór í háttinn, hneyksluð af sjálfri mér.

30 og þokkalega...

2006-11-24T21:44:00.000Z

Ég hélt uppá 30 ára afmælið mitt í Laugardalshöllinni síðasta föstudag (17.nóv). Ég bauð frekar fáum en samt komu alveg rosaleg margir - það margir að ég varð að standa allan tímann. Ég vissi ekki að ég þekkti svona mikið af skrítnu fólki. Fólk þetta notaði allskonar klæði um sig, hvort sem það var í fallegum litum eða ekki og hvort sem þessir litir pössuðu saman eða ekki og sama hversu hlægilegt sniðið var eða ekki og hárgreiðslurnar maður.. Skyldi ég hafa unnið með öllum þessum fjölda eða voru þetta kannski vinir vina minna. Verð að fara að halda einhverja skrá yfir þetta.
Ég ætlaði að vera með bollu en hætti sem betur fór við það. Enda fékk ég rándýra hljómsveit til að spila. Gott að allt þetta fólk fór ekki að koma með gjafir. Pappírinn utan af þeim hefði fyllt kvennaklósettið og ég hefði þurft að þá gámaþjónustuna á staðinn til upphreinsunar. Svo ekki sé talað um bílferðirnar með innihaldið. Og hvar hefði ég svosem átt að koma þeim fyrir? Ég hefði þurft að selja Furugrundina um hæl og kaupa húsið af Atlanta gellunni sem getur ekki borgað verktakanum sínum.

Jó jó, takk allir fyrir frábært kvöld..

ég kaupi þennan bíííííhl......

2006-11-16T12:16:00.000Z

Ég er að fara til Reykjavíkur og það er skafrenningur, hálka, hálkublettir, óveður og éljagangur sem ég mun þurfa að glíma við.. Obojoboj..

seðil seðil sí bwah bwah bwah..

2006-11-10T16:11:00.000Z

Í dag þyrstir mig í ævintýr. Það er svo skemmtilega hressandi veður úti.
Það kemur ýmislegt til greina.
T.d. er hægt að leigja ævintýraspólu og poppa.

Einnig er hægt að baka súkkulaðiköku og lesa ævintýrabók í húsi, fullu af súkkulaðikökuilm.

Mest af öllu vildi ég vera í björgunarsveit. Þá getur maður geyst um á skrilljóna króna tryllitækjum í öruggum félagsskap samsveitarfólks síns. Því seint verður maður úti meðal þeirra.

Annars gerði ég þá örmu uppgvötun að ég hef hvorki andlega né líkamlega burði til að stússa í svona. Reyndar gæti ég verið bílstjóri á "snjóbílnum" því ég á gullpjéning frá Land Rover leikunum sem haldnir voru í Húnaveri hér um árið. Þar sýndi ég snilli mína í jeppaakstri.
Reyndar átti ég ekki að fá viðurkenningu en þar sem allir 3 sem voru í toppsætunum voru í landsmótsnefnd og kunnu ekki við að veita sjálfum sér verðlaun - fékk stelpan eitt stykki.

Við vorum bara tvær af konu kyni sem fengum viðurkenningu. Ég fyrir leikni mína í torfærum og hin fyrir besta axjonið.. Hún öxulbraut bílinn sinn á snilldarlegan hátt.
Hún prjónaði, stökk og braut.

Þetta er ekkert það sem ég ætlaði að tala um.
Heldur... að þegar ég var búin að gera þá uppgvötun að ég ætti ekkert í Björgunarsveitina Káraborg, þá fann ég mér annað að hugsa um. Nú langar mig ekkert meir en að skella mér uppá heiði og láta bjarga mér úr háska.

Rosalega er ég annars fegin að ég ætlaði ekki suður í dag...

Vello vello vigg vigg vigg...

2006-11-02T21:07:00.000Z

Þá er það orðið staðfest. Ég er orðin íbúðareigandi. Það var skrifað undir samninga í gær og ég borgaði fyrstu milljónirnar. Ég var væl í huga þegar ég skoðaði heimabankann minn eftir þá afdrifaríku aðgerð.
Ég er búin að fá kjallaraherbergið afhent en fæ íbúðina ekki fyrr en 1. desember.

Annars er lítið að frétta. Krummi búinn að missa fyrstu tönnina og önnur farin að lufsast til og frá.
Ég man sem það gerst hafi í gær þegar ég var að missa mínar tennur.
Ég man sérstaklega hvað ég var hryllilega spæld úti Söndru Svanskonu þegar hún var að passa mig og gabbaði mig til að gapa svo hún gæti kippt einni tönninni úr bólgnum gómnum á mér. Hún var búin að vera með velgju í marga daga við að horfa á mig þegar ég var að ýta henni til og frá með tungunni. Í þá daga bjuggu þau hjónakorn og fjölskylda í Ási.

Svo eru bara ekkert svo voðalega mörg ár þangað til gómurinn á mér verður nakinn á ný.

Fleiri myndir

2006-09-19T21:50:00.000Z

Samkvæmt óskum Sigrúnar áttu að koma hér fleiri dredda myndir en mynda susstemmið er eitthvað bilað í augnabilinu.

Ég er hætt við að skoða Grafarvogsíbúðina. Eftir umferðar viðaranir frá fjölda fólks og vitnisburðar fasteignasala. Það er víst hægt að gera góð kaup í þarna vegna vaxandi óvinsældar Grafarvogsins. Það er víst ekkert fútt í því að sitja fastur á Gullinbrú í hálftíma.

Jéminn. Um leið og ég er að reyna að skrifa eitthvað hér er ég að horfa á myndbrot úr ROCK SCHOOL. Svakaleg snilld er þetta. Gaman að sjá litla kórdrengi og fiðluleikara breytast í örgustu rokkara. Annars er ég búin að sjá u.þ.b. 1/2 þátt eða svo - þannig að ég ætti kannski bara að þegja..

Myndafjör

2006-09-14T21:45:00.000Z

Myndirnar sem ég óskaði eftir hér einhversstaðar neðar streyma inn. Þakka ég sendurum kærlega fyrir.

Þessa mynd sendi Kristín mér. Frá henni fékk ég þrjár. Þær voru allar teknar á bartengdum uppákomum. Ég valdi myndina sem ég var búin að drekka minnst.

Þarna vorum starfsmenn í einkasiglingu á Ákanum. Glöggir sjá kannski glitta í Fríðu Bjarna í bakgrunni. Held hún hafi verið að segja okkur frá selum eða einhveju svoleiðis. Man það ekki alveg.
Af svipnum á okkur að dæma var svo einhver með sprell, suð-vestan við okkur.
Sætin eru rauð með sikksakk áferð.

Leikið af innlifun

2006-09-12T21:26:00.000Z

Það var greinilega mikið fjör í Danmörku.

Aulísíng

2006-09-11T22:11:00.000Z

Hér með auglýsi ég eftir myndum af sjálfri mér með hina skelfilegu dredda og mæli jafnframt með því við þá sem þykir vænt um hárið á sér leiki ekki þann leik eftir nema að vel ígrunduðu máli...

Ég las þetta á myndlist.is....

2006-09-07T12:04:00.000Z

Árið 2000 var haldin samsýning nokkurra listamanna í Kolding í Danmörku. Einn þátttakandinn, Marco Evaristti frá Chile, vakti óskipta athygli Dana fyrir framlag sitt til sýningarinnar. Í fáum orðum fólst það í því að stilla upp 10 venjulegum matvinnsluvélum fullum af vatni, en í hverri vél var lifandi gullfiskur. Svo var gestum sýningarinnar gefinn kostur á að kveikja á vélunum og búa til „gullfiskasúpu". Skemmst er frá því að segja að dýraverndunarsamtök og almenningur um alla Danmörku mótmæltu kröftuglega og lögreglan hótaði málsókn. Þá voru meðsýnendur Chilemannsins afar óánægðir. Það hreif þó ekki og við opnun sýningarinnar og dagana á eftir mun hafa verið kveikt á öllum matvinnsluvélunum tíu. Þannig urðu til 10 „gullfiskasúpur". Þetta var reyndar ekki í fyrsta sinn sem þessi ágæti maður hafði gengið fram af hinum venjulega Dana. Á sama sýningarstað hafði hann nokkru áður stillt upp tveimur dauðum svínum í glerkassa og gátu sýningargestir fylgst með því hvað gerðist þegar svínin rotnuðu og notið lyktarinnar um leið. Um þessa snilld má lesa nánar í Listapósti sem út kom 23. febrúar 2000.

Þetta rifjaðist upp fyrir skrifara nú í lok ágúst þegar hann fór á opnun sýningar okkar ágætu Steinunnar Þórarinsdóttur í Gallerie Egelund við Breiðgötu í Kaupmannahöfn. Þegar hann gekk eftir Breiðgötunni sá hann í sýningarglugga annars gallerís eina af þessum matvinnsluvélum. Í vélinni var gruggugt vatn og leifar af gullfiski. Við vélina var miði þar sem stóð að þetta listaverk ætti að fara á uppboð og matsverð væri 65-70 þúsund danskar krónur. Lágmarksverð er ekki undir 50 þúsund dönskum krónum. Seljist verkið á 50 þúsund er endanlegt verð tæplega 800 þúsund íslenskar krónur með gjöldum sem á leggjast. Þetta hljóta að vera mikil kjarakaup. Því miður hefur skrifari ekki upplýsingar um hvort svínin verða líka á uppboðinu.

Næst á skoðunarlistanum mínum

2006-09-05T14:03:00.000Z

Ég verð nú að segja að þessi íbúð er soldið flott..
Svo er hún líka í nágrenni ævintýraheima KA mannsins, Einars Vals og Bjögga. Ekki að ég ætli að fara að hanga á þeim en gaman samt að geta skroppið yfir og fengið lánaðan strásykur og ónotaðan kaffikorg.

Takið eftir glæsilegu baðherberginu. Flísar á gólfi og nægt pláss til snyrtinga. Mætti vera stærri spegill til sjálfsaðdáunar.

Einkar skemmtileg eldús aðstaða. Þarna verða bakaðar ófáar skúffukökurnar og heilsuréttunum verður raðað fram af kostgæfni.

Þarna verður tilvonandi sambýlismaður minn geymdur að mestu. Þ.e.a.s. við grillið - enda afar fær grillari. Hann er reyndar góður í öllu sem hann gerir þannig að hann fær að ferðast frjáls um húsið.

Helgi og fleir

2006-09-04T16:54:00.000Z

Ég var að vinna á föstudagskvöld á Þinghúsinu. Þar var ball og mikið fjör. Gleðilegt var að sjá hálf tómar hillurnar eftir vakt. Þar með var takmarkinu náð. Kjartan stóð sig vel í að vökva lýðinn og á endanum brotnaði vökvunargræjan. Í hléinu vorum við með utandyra sprell en þá voru allir orðnir svo fullir að enginn nennti út til að sjá. Eftir hlé dansaði trylltur lýðurinn á nærbuxum einum fata. Svo fóru einhverjir í partý. Við þrifum eina ælu og mikið sull. Fór svo heim að sofa. Sá athyglisvert atferli á heimleiðinni. Vaknaði svo með hausverk. Setti í þvottavél. Brunaði suður. Skoðaði 2 íbúðir.

Vaknaði kl. 5 í morgun og brunaði norður. Vann til 4. Tók greiðslumat á netinu. Varð fyrir miklum vonbrygðum með það. Hvað á einstæð móðir með 1 barn að gera með það að eyða rúmum 100.000 kalli í framfærslu á mánuði. Þvílík neysla. Á maður bara að fara á Lækjarbrekku í hverri viku eða hvað? Þetta er algjört rugl og bull. Ég held ég eyði í mesta lagi 60.000 á mán. ef ég er ekki að spara. Ég má semsagt kaupa mér íbúð f. 17.000.000 en það er einungis ef ég þykist vera með aðeins hærri laun og tek bílinn af númerum. Af honum er áætlaður rekstrarkostnaður (samkvæmt íbúðalánasjóði) einungis 25.000 kall á mánuði. BULL

Því er ekki að leyna að mér hlakkar óendanlega til að sjá Krumma. Hann kemur heim eftir 4 daga. Húrra fyrir því..

Nýjasta æðið

2006-09-01T15:04:00.000Z

Örfréttir daxins

2006-08-31T20:15:00.000Z

Tani og Tóti eru að hætta.. Ætlar einhver að missa af síðustu snilldinni á föstudagskvöldið?
Nú er einmitt tíminn til að hita upp fyrir öll réttarböllin..

En að öðru. Ég er búin að vera að telja í mig kjark alla vikuna að skila inn uppsagnarbréfinu í vinnuni. Í dag var síðasti sjéns ef ég ætlaði að vera laus á skikkanlegum tíma. Svo ég lét slag standa. Mikill léttir það.

Ég er búin að vera í íbúðarleit á slóðum höfuðborgarinnar. En tek samt öllu með ró. Nú skal vandað til verks.

Stal þessu ljóði og varð að deila þvi....

2006-08-18T20:43:00.000Z

Lítil stúlka. Lítil stúlka.
Lítil svarteygð, dökkhærð stúlka
liggur skotin.
Dimmrautt blóð í hrokknu hári.
Höfuðkúpan brotin.

Ég er Breti, dagsins djarfi
Dáti, suður í Palestínu,
en er kvöldar klökkur, einn,
kútur lítill, mömmusveinn.

Mín synd var stór. Ó, systir mín.
Svarið get ég, feilskot var það.
Eins og hnífur hjartað skar það,
hjartað mitt, ó, systir mín
fyrirgefðu, fyrirgefðu,
anginn litli, anginn minn.

Ég ætlaði að skjóta hann pabba þinn.

Öppdeit

2006-08-18T20:16:00.000Z

Þegar ég skildi við ykkur síðast, ungarnir mínir, var ég á leið til Danmerkur. Ég er semsagt komin heim (fyrir ykkur vonandi fáu sem eruð bæði blind og heyrnarlaus). Roskilde var frábær. Ég var samt dúndur stressuð þegar gellan í festeval hliðinu var að skoða miðann minn sem keyptur var á lestarstöðinni af gaur sem ég náði að prútta vel við. Hún skoðaði hann allan gaumgæfilega og spreyjaði einhverju á hann og nuddaði einhverjum klút yfir og setti hann svo í einhverja spez lýsingu. Næst fletti hún einhverri möppu með sýnishornum af öllum miðunum sem voru gefnir út og að lokum kallaði hún í aðsoðarmann. Þegar þarna var komið við sögu var ég næstum búin að gera í brók og ákvað á þeim tímapunkti að stunda ekki black marketin meir. En inn komst ég og skemmti mér konunglega. Hefði reyndar átt að taka með mér tjald og svefnpoka en var aldrei viss hvort ég fengi miða eða ekki. Súrt að vera búin að gíra sig upp ef maður þarf svo að taka allt draslið til baka til Köben og reyna að finna einhverja gistingu á skítugu gistiheimili. Eh, hefði þá auðvitað bara fundið mér tjaldstæði. Þetta er ég að fatta í þessum skrifuðum orðum. Just try to call my stupit..

Meira næst

Jibbikæjei

2006-06-23T08:10:00.000Z

Síðasti vinnudagurinn fyrir frí. Svo er það Reykjavík á morgun og Danmörk á mánudaginn. Aftur heim 20. júlí...

Góðar stundir

Vantar og vantar

2006-06-19T13:06:00.000Z

Það vantar spítur og það vantar sög en þó aðallega vantar húsnæði á Hvammstanga, miða á Hróaskeldu og mannskap á fantasíusýninguna..

Snilldar..

2006-06-05T17:26:00.000Z

Ég hangi þessa dagana á Roskilde fest. síðunni. Nú er ég komin í nánara grams og er farin að skoða hinar og þessa hljómsveita síður. Ég fann eina assi fyndna tjékk it át.

KB banki fyrir útlendinga..

2006-06-01T14:53:00.000Z

Ég varð vitni að fyndnu í dag. Ég þurfti að hringja í KB banka vegna starfs míns. Þar þurfti ég, eins og vera ber, að byrja á að hlusta á símsvara sem segir hvað skal gera, vilji maður samband við hinn og þennan. Þegar romsan var næstum að lokum komin var komið að síðasta valmöguleikanum sem var "press einn for english". Er verið að kenna nýbúum íslensku í hægum skrefum? Við skulum byrja á að kenna þeim að telja uppá einn - sjáum svo til.

Kannski er ég með svona slappan húmor en ég ætlaði ekki að gera talað við grafalvarlegan þjónustufulltrúa verðbréfaskráningarinnar vegna hláturlöngunarinnar sem ásótti mig. Á ögurstundu tók ég mér tak svo ég myndi ekki frussa á símtólið.

Góðar stundir.

Drasl

2006-05-28T20:38:00.000Z

Drasl, skítadrastlsblogg. Þetta er óþolandi djöfuls drasl. RRRRRRRrrrrrrrrrrrrrrr... Langir pistlar eiga það oft til að hverfa og ég sem er búin að halda unganum mínum vakandi í of langan tíma til að klára helgar skýrsluna. Hann þarf að fara klukkutíma seinna að sofa til einskis.

Og hafi´ði það.

Kannski kemur öppdeit á morgun - ef ég finn einhverja einustu löngun til að stússa í þessu bölvans rusli.

Senn líður að Hróaskeldu

2006-05-21T17:20:00.000Z

Jamm og já. Ég vissi að ég ætti ekki að panta far til Danmerkur fyrr en ég gómaði eitthvað tilboð. Óskir mínar rættust og ég fékk flug fyrir okkur Krumma á 23.000 króners. Við leggjum í´ann mánudaginn 26. júní og ég veit ekkert hvenær ég kem til baka.
Ég nenni reyndar ekki á Hróaskeldu nema veðrið verði almenninlegt. Ég hef reyndar ekki lent í drulluhátíð en ég nenni ekki að láta mér verða kalt. Það er nokkuð ljóst. Annars eru böndin nokkuð girnileg en ekkert sem ég gæti stokkið sjöfalt flikkflakk yfir. Æ, það er ekki satt. Það er fullt af gúmmelaði sem verður þarna. Ég er kannski bara að halda mér á spennings-mottunni. Ekki viljum við að ég fari gjörsamlega á límingunum á leið á hátíð og svo þegar ég er mæti loxins er kannski skítaveður og ég fer að grenja áf því að mér var farið að hlakka svo til. Hér þarf að taka allt með í reikninginn.

Ég ætlaði að henda inn einhverrri Hróaskeldu tengdri mynd hér inn en á enga. Svo ég deili þessari mynd af sjálfri mér á byrjunarstigi dreddatilraunirnar og með hattinn góða sem ég get þakkað sólbrunaleysi á síðustu hátíð.

Hún er búin en annað að byrja..

2006-05-18T07:34:00.000Z

Keppnin er búin, ég vann. Hún er búin af því að ég fer að vera mikið bizzí og er orðin nú þegar.

Það er búið að mynda unglistarhópinn í ár og í honum eru: ég, Addi, Helga Vilhjálms, Sigrún Dögg, og Siggi Hólm. Best ég noti tækifærið til auglýsinga. Ef þú kúrir á góðri hugmynd og hefur áhuga á að vera með er málið að hafa samband. Okkur vantar allskonar fólk í allskonar verkefni. Það er ekkert aldurstakmark í hugmyndabankann.

Þetta er nóg í bili - brjálað að gera...

...og hvar er hún nú?...

2006-05-11T18:28:00.000Z

Flutningar ganga seint og illa. Fór eina ferð í dag og sorteraði slatta úr bílskúrnum. Ég finn hvergi fjárans sjónvarps fjarstýringuna sem Dóri er búinn að ítreka svo oft og mikið. Veit einhver símann hjá félögunum úr Sódóma Reykjavíkur? Þeir eru svo vel þjálfaðir í frjarstýringa leit. Hvað hétu þeir aftur, Moli og félagar? Ef einhver hefur uppá þeim er kassi af Spur í fundarlaun.

En þrátt fyrir allt er sjússamælirinn kominn í hús og einnig baileys hristarinn..

Í veikindum gerast hlutirnir..

2006-05-10T22:10:00.000Z

Ég gerði merkilega uppgvötun í dag. Ég sat í sófa móður minnar, alveg að drepast úr leiðindum. Skyndilega kom ég auga á afmælisdagabókina góðu sem hefur fylgt fjölskyldunni gegnum aldanna rás. Hófust flettingar. Sótt var dagatal. Tékkað var á þrítugsafmælisdögum jafnaldra minna. Þá komu upplýsingarnar í ljós... Ég, Henný og Magnús - sem héldum öll sameiginlega fermingaveislu, hér um árið - verðum öll þrítug á föstudegi. Ekki samt á sama föstudeginum, heldur dreifum við okkur misjafnt og misþétt yfir allt árið.

Já, segið svo að það sé ekki fjör að vera veikur heima.

Grenj, grenj

2006-05-08T21:30:00.000Z

Ég er mjög svekkt. Ég fór ekki í bæinn um helgina svo ég myndi ekki smitast af streptokokkum. Svo í dag er ég búin að vera lufsuleg með einsdæmum og fór aðeins fyrr heim úr vinnunni. Fór beint í rúmið og vaknaði raddlaus. Ég verð heima á morgun og verð orðin fersk eins og vorvindar glaðir, fyrir helgina.

Hvenær á ég að gera klárað að flytja? Ekki það að ég hafi lagt eitthvað ægilega mikið á mig tal að drífa þetta af..

Í ham

2006-05-07T21:24:00.000Z

Ég er búin að vera afar aktíf í dag. Nú er ég að byrja á 4. pistlinum mínum og er það persónulegt met. Ég er búin að gera fleira í dag. Trommaði á snilldar sólpalli Þinghússins. Þar á ég eftir að eyða ófáum klukkustundunum í sumar. Því hefur verið hótað að sitja þar og sötra bjór eftir vinnu - ég mótmælti ekki. Svo var ég að æfa stepp og eldkeðjutjúttið. Svo er ég búin að vera að hangsa.. já, það er ekkert fleira sem ég hef gert í dag. Ég vaknaði bara svo seint að dagurinn er strax búinn.. Gvöööð hvað ég er í miklum blogg fíling. Á mínum bæ er það bara allt eða ekkert í þessum málum. Það á svo sannarlega enginn eftir að nenna að lesa allt þetta bull. Nema kannski Bjöggi, svo hann geti sagt mér hvuslax bull þetta er.

Rosalega er langt síðan..

2006-05-07T18:37:00.000Z

Var að glugga í gamla Roskilde festeval lista. Tékkaði á minni fyrstu hátíð sem haldin var á þvi herrans ári, 1995. Með mér í för voru Henný, Óskar, Brynjar Már og Skúli Húnn. Hér kemur upptalningin (af því sem ég þekki)...

Bob Dylan
Belly
The Black Crowes
Blur
Body Count
Cardigans
Cure
Chemical Brothers
Cranberrys
D.A.D.
Deus
Ice T
Leftfield
Massive Attack sound system
Morphine
Napalm Death
Sinead O´Connor
Oasis
Offspring
PJ Harvey
Prodigy
Page & Plant
R.E.M.
Suede
Supergrass
Sheryl Crow
Sick of it all
Soul Asylum
Tricky
Testament
Urge Overkill
Van Halen
Weezer

Já, þar hafið þið það. Að sjálfsögðu sá ég þetta ekki allt og sumt af þessu var ekki orðið neitt merkilegt. Sumt er meira að segja ekkert merkilegt í dag en annað finnst mér stórmerkilegt að hafa séð. En svona þróast málin oft.

Ðe corocokkodæl and Krumm

2006-05-07T12:44:00.000Z

Þetta er lifandi krókódílaungi. Ekkert spaug hér á ferð en mikil vandvirkni, sem endurspeiglast í svipnum. Þetta er tekið síðasta sumar, í Danmörku.

Já, það var..

2006-05-07T12:09:00.000Z

Tónleiarnir voru frábærir. Ég kom reyndar hálftíma og seint og kom inn í síðasta lag Valda og Júlla. Kjartan og hinir voru alveg frábær/ir en fengu að kenna á sound vandræðum. Gleðilegt að sjá rokkhundinn á bassa. Svo var ball sem ég ætlaði alls ekki á. Sérstaklega ekki eftir að ég sá hver var á leiðinni þangað. Allavega.. Ég endaði þar. Bandið var hlægilegt og stemmingin var svakaleg. Ég held að allir hafi verið að reyna að vera úber hressir til að redda kvöldinu og komu sér í sérstakann fíling. Það kom gomma af Blönduóingum sem var vel ef allt hefði ekki logað í slaxmálum á eftir. Reynar áttu þeir enga sök á þeim, heldur einn af okkar ástsælustu heimamönnum. Einnig má minnast á það að einhver gubbaði útum allt og bílaplanið var einn glerbrotshaugur. Já, við kunnum svo sannarlega að skemmta okkur.

Halli... það var svo partý á eftir.. ég hef engar sögur af því..

Fjör í kvöld?

2006-05-06T12:51:00.000Z

Ég býst við ágætis fjöri í kvöld. Það eru tónleikar til styrktar tónlistarskólanum. Margir stíga á stokk en aðrir ekki. Ekki má svo gleyma Þinghúsballinu á eftir. Þar ætlar stórsveitin kantabillí (þó ég sé aðdáandi, kann ég ekki að skrifa það) að stíga á stokk.

Þrátt fyrir rigningar gærdagsins, held ég svei mér þá að þetta verði alveg hreint magnað sumar. Sólin er eitthvað að reyna sig, í þessum töluðum orðum. Á maður ekki annars alltaf að tala um veðrið þegar engu er frá að segja?

Við Krummi förum í sund..

Sigurinn

2006-05-05T08:04:00.000Z

Ég skal vinna keppnina sem ég er í við ættmenni mín í bloggheimum. Ég er reyndar ein í keppni því hinir aðilarnir vita ekki að ég er í keppni, já eða hreinlega vilja ekki vera með. Þeir um það. Hef reyndar ekki mikið að segja en í mínum reglum er það magnið/fjöldinn sem skiptir máli.. Þar hafið þið það.. Hér með kveð ég þennan innihaldslausa keppnispistil.

Meir um hús

2006-05-04T18:39:00.000Z

Ég er svo aldeilis hlessa. Dóri Fúsa og Fúsi, faðir hans eru að ganga af göbblunum í flutningi. Þannig er mál með vexti að þeir eru búnir að flytja allt þunga stöffið í nýja hreiðrið. Þeir vippuðu 2 risa stórum rúmum, þvottavél, þurrkara, ísskáp, stofuhillum, kommóðu, nýðþungu sjónvarpi og eldhúsborði uppí bíl og brunuðu með það á áfangastað. Ég verð bara að segja að mér leið eins og nýju tengdadóttur Fúsa - nýju, óléttu tengdadótturinni. Ég mátti ekki bera neitt. Ég var hins vegar sett í skipulagningu. Ég kvarta sossum ekki og tók það að mér, með glöðu geði, að þrífa mygluna úr ísskápnum mínum. Ekki það að ég hafi ætlað einhverjum öðrum það..

Það eru nú nokkrar kommur í þessu..