I´m back

Vegna óviðráðanlegra aðstæðna hef ég hvorki haft tíma né löngun til að blogga og ég vona að einlægir aðdáendur krusial hafi látið þolinmæðina ráða ríkjum þennan alltof langa tíma.

Hér er ég stödd á Hvammstanga city og vildi gjarnan fara að komast heim í kofann minn góða. Krummi er veikur svo ég kemst ekki fet.

Bíllinn okkar (græni kettlingurinn, eins og húsbóndinn kallar hann) er víst kominn í lag. Það kostaði aðeins fáeinar krónur að láta lappa upp á greyið eða 160 þúsund spírur. 'Eg hef fulla trú á að nú verði hann vel viljugur að bruna með okkur þvert yfir evrópu, án nokkurs múðurs. Þessi elska..

Þegar ég kemst til Danmerkur förum við rakleiðis yfir til Englands til að græja bílinn fyrir sumarið. Planið er að versla tjald á toppinn sem virkar svona eins og fellihýsi og fortjald fyrir neðan. Æ, þetta kemur allt í ljós. Erfitt að útskýra eitthvað sem maður hefur ekki einu sinni séð sjálfur. Kannski ég láti inn myndir með vorinu þegar græjan er tilbúin. Og fussi þeir sem vilja..