Ég nenni ekki til Reykjavíkur

Er ég að verða algjör sveitalubbi? Ég man hvað ég var himinlifandi þegar ég slapp frá þessu "skítapleisi" og flutti á vit menningarinnar. Þá var ég voða spennt að komast í bíó, hvenær sem ég vildi. Reyndar fer ég meira í bíó núna en þegar ég bjó þar. Ekki má gleyma djamminu. Ég hélt að það væri miklu skemmtilegra að dansa í Reykjavík en það var misskilningur. Maður fær ótrúlega mikið leið á "down town Reykjavík". Þó ég sé bara að fara í einhverja auma 20 daga er það alltof mikið. Ég er meira að segja að fara að vinna (sem er vel) en ég bara nenni ekki að hanga þar.

Soldið dramatísk í dag en svona er þetta bara..

Reyndar get ég aðeins kíkt á björtu hliðarnar og þær eru að ég þarf nauðsynlega að kaupa mér föt. Kannski ég kíki líka á bílasölur og finni mér einhverja druslu. Ég er orðin leið á að sníkja bílinn af mömmu og Dóra. Svo þarf ég að heimsækja ömmu og svona. Nota tækifærið.

Jæja þá, ég get svosem farið í þessa 20 daga - en ekki meir.