Útaf með stóru stafina

Vegna áskorana hef ég ákveðið að minnka letrið aftur. Fólk kveðst fá mígreni og ég veit ekki hvað og hvað.

Helginni verður eytt í Reykjavík. Ég var víst búin að heimta innflutningspartý Margrétar og Bubba á laugardaginn. Ætli ég verði þá ekki að standa við mætingu. Það verður gaman að fá að máta heita pottinn þeirra. Ég vona að það verði vatn í honum. Obbosí... kannski ég kaupi mér þá loxins sundföt. Ég ætla að nýta ferðina í Goldie lookin chain tónleika. Ef einhver vill koma með, er sá hinn sami velkominn. Ósköp var þetta einmannaleg setning..

Ég fékk nóg af leikskólabiðinni í dag og hringdi til að athuga hvenær stefndi í pláss fyrir Krumma. Stjórinn svaraði og sagði að hann kæmist að um miðjan mars. Reyndar ekki nema fyrir hádegi, en ég var svo glöð að mér fannst það betra en ekki neitt. Eftir að mesta gleðivíman rann af mér, fattaði ég að það er bara alls ekki nóg. En ég get svosem ekkert gert. Eða hvað?